ទំនងជាចង់កាច់ផ្តួលតារាខ្មែរសិចស៊ីមួយចំនួន ដើម្បីទាក់ទាញប្រជាប្រិយភាពលើសង្វៀនសិល្បៈ ទើបតារាសម្តែង និងជាអតីតកញ្ញាឯក Bridgestone ឆ្នាំ២០១២ ពេជ្រ សូរីតា បានបង្អួតដើមទ្រូងសិចស៊ីយ៉ាងព្រហើនរបស់នាងមិនខ្វល់នឹងការរិះគន់អ្វីឡើយ ហើយបែរជានាងបានអះអាងថា រូបភាព Sexy គឺជាចំណង់ចំណូលចិត្តរបស់នាង ។
នាង ពេជ្រ សូរីតា មានឈ្មោះដើមហៅថា ត្រា រ៉ាឌី អាយុ២៣ឆ្នាំ មានស្រុកកំណើតនៅរាជធានីភ្នំពេញ ធ្លាប់បានជាប់ជាកញ្ញាឯក Bridgestone ឆ្នាំ២០១២ បាននិយាយក្នុងសម្តីយ៉ាងក្លាហានថា រូបភាព Sexy គឺជានិស្ស័យរបស់នាងតាំងពីតូចមកម្ល៉េះ ហើយនាងគ្មានអារម្មណ៍ក្រែងរអែងនឹងពាក្យនិន្ទារិះគន់ពីមហាជនឡើយ ។
តើក្រសួង ស្ថាប័នពាក់ព័ន្ធរបស់ជាតិ និងប្រិយមិត្តយល់ឃើញយ៉ាងណាដែរចំពោះការបញ្ចេញដើមទ្រូងសិចស៊ីយ៉ាងព្រហើនគួរញាក់សាច់របស់តារាសម្តែងរូបនេះ ? ៕
តាមការចុះផ្សាយរបស់គេហទំព័របរទេស Ifeng.com បានលាតត្រដាងបង្ហាញអំពីតម្លៃខ្លួនរបស់តារាស្រីល្បីៗចិនដូចខាងក្រោម៖
១- នាង Maggie Cheung អាយុ៥០ឆ្នាំ តារាភាពយន្តហុងកុង ឋិតនៅលំដាប់កំពូលគេ ក្នុងបញ្ជីឈ្មោះតារាស្រីល្បីៗ ដោយមានតម្លៃខ្លួនចំនួន២០លានយន់ (លុយចិន) គឺស្មើនឹងជាង៣លានដុល្លារអាមេរិក សម្រាប់ការថតសម្តែងខ្សែភាពយន្ត១រឿង។
២- នាង Zhang Ziyi អាយុ៣៥ឆ្នាំ ជាតារាសម្តែងអាចរកប្រាក់ចំណូលបានជាប់លំដាប់ថ្នាក់លេខ២ គឺពី១២លានយន់ ទៅ១៥លានយន់ (លុយចិន)។
៣- នាង Zhao Wei អាយុ៣៨ឆ្នាំ ជាតារាសម្តែង តារាចម្រៀង POP និងជាអ្នកដឹកនាំរឿង និងនាង Zhou Xun អាយុ៤០ឆ្នាំ ជាតារាសម្តែង និងតារាចម្រៀង អាចរកប្រាក់ចំណូលបានជាប់លំដាប់ថ្នាក់លេខ៣ គឺពី១១លានយន់ ទៅ១៥លានយន់ (លុយចិន) ដែលជាតម្លៃខ្លួនសម្រាប់ការថតខ្សែភាពយន្ត១រឿងគត់៕
អនុលោមតាមមាត្រា៦នៃច្បាប់ស្តីពីការប្រឆាំងអំពើពុករលួយ ដែលប្រកាសឲ្យប្រើដោយព្រះរាជក្រមលេខនស/រកម/០៤១០/០០៤ ចុះថ្ងៃទី១៧ ខែមេសា ឆ្នាំ២០១០ គឺបានតម្រូវឲ្យបង្កើតក្រុមប្រឹក្សាជាតិប្រឆាំងអំពើពុករលួយ មានសមាសភាពចំនួន១១រូប ដែលក្នុងនោះ១រូបត្រូវជ្រើសតាំងដោយ ឬចេញពីឧត្តមក្រុមប្រឹក្សានៃអង្គចៅក្រមសម្រាប់អាណត្តិរយៈពេល៥ឆ្នាំ ។
កន្លងមក ឥស្សរជនម្នាក់ដែលជ្រើសតាំងចេញពីឧត្តមក្រុមប្រឹក្សានៃអង្គចៅក្រម ឲ្យមកកាន់តំណែងជាសមាជិកក្រុមប្រឹក្សាជាតិប្រឆាំងអំពើពុករលួយ មានឋានៈស្មើរដ្ឋមន្ត្រី ហើយដែលត្រូវដល់ពេលផុតអាណត្តិផងនោះ គឺឯកឧត្តម ជីវ កេង អតីតជាសមាជិកឧត្តមក្រុមប្រឹក្សានៃអង្គចៅក្រម អតីតជាប្រធានសាលាដំបូងរាជធានីភ្នំពេញ និងបច្ចុប្បន្នជាអនុប្រធានតុលាការកំពូល (តែងតាំងជាសមាជិកក្រុមប្រឹក្សាជាតិប្រឆាំងអំពើពុករលួយដោយព្រះរាជក្រឹត្យលេខនស/រកត/០៦១០/៤៩៩ ចុះថ្ងៃទី១២ ខែមិថុនា ឆ្នាំ២០១០) ។
ក្នុងនាមជាចៅក្រមម្នាក់ និងអតីតជាសមាជិកឧត្តមក្រុមប្រឹក្សានៃអង្គចៅក្រម ឯកឧត្តម ជីវ កេង ដែលទទួលបានការតែងតាំងជាសមាជិកក្រុមប្រឹក្សាជាតិប្រឆាំងអំពើពុករលួយ មានឋានៈស្មើរដ្ឋមន្ត្រីរយៈពេល៥ឆ្នាំមកហើយនោះ គឺមិនបានដាក់ឲ្យផ្តាច់ពីមុខងារជាចៅក្រមទេតាំងពីអតីតជាប្រធានសាលាដំបូងរាជធានីភ្នំពេញរហូតដល់ជាអនុប្រធានតុលាការកំពូល ជាហេតុធ្វើឲ្យអំណាចឯកឧត្តម ជីវ កេង ជាសមាជិកឧត្តមក្រុមប្រឹក្សានៃអង្គចៅក្រមផង ជាសមាជិកក្រុមប្រឹក្សាជាតិប្រឆាំងអំពើពុករលួយផង និងជាចៅក្រមសម្រេចក្នុងរឿងក្តីផង…រឹងមាំចាក់គ្រឹះតែម្តង ។
មជ្ឈដ្ឋានអ្នកច្បាប់ឯករាជ្យ និងអ្នកតាមដានដំណើរការអភិបាលកិច្ចនៅកម្ពុជា បានលើកឡើងថា ការតែងតាំងចៅក្រមឬព្រះរាជអាជ្ញាដែលជ្រើសតាំងចេញពីឧត្តមក្រុមប្រឹក្សានៃអង្គចៅក្រម ឲ្យទទួលតំណែងជាសមាជិកក្រុមប្រឹក្សាជាតិប្រឆាំងអំពើពុករលួយ ដោយមិនដាក់ឲ្យផ្តាច់ពីមុខងារជាចៅក្រម ឬព្រះរាជអាជ្ញានោះ មិនខុសពីតែងតាំងមនុស្សម្នាក់ដើរតួ "ជាអាជ្ញាកណ្តាលផ្លុំកញ្ចែផង និងជាកីឡាករផង"នោះឡើយ ហើយដំណើរការប្រឆាំងអំពើពុករលួយនឹងគ្មានប្រសិទ្ធភាព ។ ដូច្នេះ គប្បីដាក់ចៅក្រមដែលកាន់តំណែងជាសមាជិកក្រុមប្រឹក្សាជាតិប្រឆាំងអំពើពុករលួយនោះ ឲ្យផ្តាច់ពីមុខងារចៅក្រម ដូចករណីសមាជិកឧត្តមក្រុមប្រឹក្សានៃអង្គចៅក្រមចំនួន៧រូប ដែលត្រូវបានដាក់ឲ្យផ្តាច់ពីមុខងារជាចៅក្រម-ព្រះរាជអាជ្ញាដែរ ។
មិនទាន់បានដឹងថា ឯកឧត្តម ជីវ កេង ជាអនុប្រធានតុលាការកំពូល និងជាចៅក្រមកាត់ក្តីដ៏មានឥទ្ធិពល នឹងត្រូវបានតែងតាំងជាសមាជិកក្រុមប្រឹក្សាជាតិប្រឆាំងអំពើពុករលួយ សម្រាប់អាណត្តិថ្មីបន្តទៀត ឬយ៉ាងណានៅឡើយទេ ៕
បរទេស៖ ប្រើវីធីសាមញ្ញបំផុត ដោយគ្រាន់តែបន្ថែមបន្លែសាទ្បាត់ ជាមួយនឹងរបបអាហារ ដែលអ្នកបរិភោគ ជារៀងរាល់ថ្ងៃ អាចជួយផ្ដល់ផលប្រយោជន៍ ដល់សុខភាពរបស់អ្នកបាន។ ខាងក្រោមនេះ ជាហេតុផល សុខភាព៤យ៉ាង ដែលអ្នកគួរបរិភោគបន្លែសាទ្បាត់៖
១. ការពាររោគទល់លាមក
ដោយសារបន្លែសាទ្បាត់ មានផ្ទុកនូវជាតិសរសៃខ្ពស់ ដែលបរិភោគវាទៅ អាចជួយកាត់បន្ថយជាតិកូទ្បេស្ដេរ៉ុល និងការពាររោគទល់លាមក។
២. សុខភាពល្អ
បន្លែសាទ្បាត់ត្រូវបានគេចាត់ទុកថា ជារបបអាហារសម្បូរដោយសារធាតុចិញ្ចឹម ដែលជួយធ្វើឲ្យអ្នកមានសុខភាពល្អ។
៣. សម្រកទម្ងន់
តាមការសិក្សាបានឲ្យដឹងថា ការបរិភោគបន្លែសាទ្បាត់ ជាមួយអាហារអាចជួយធ្វើឲ្យអ្នកសម្រកទម្ងន់បាន។
៤. ប្រឆាំងជំងឺមហារីក
បរិភោគបន្លែសាទ្បាត់ជារៀងរាល់ថ្ងៃ មិនត្រឹមតែជួយប្រឆាំងនឹងជំងឺមហារីកប៉ុណ្ណោះទេ ប៉ុន្តែថែមទាំងជួយការពារអ្នកពីជំងឺបេះដូងទៀតផង៕
បើទោះបីជាអាជ្ញាធរខេត្តកំពង់ធំ បានបញ្ជាក់ម្ដងហើយម្ដងទៀតចំពោះបញ្ហារូបសំណាកដំរីជាន់ខ្លា និងរូបស្តូបអនុស្សាវរីយ៍ ឬជារូបតំណាងឲ្យការនឹកគុណវៀតណាម រហូតដល់ពួកគេបានបង្កើតជាវីដេអូបង្ហាញពីរូបសំណាកនោះយ៉ាងណាក៏ដោយ ប៉ុន្តែក៏នៅមានពលរដ្ឋមួយចំនួនមិនទាន់អស់ចិត្ត។ ដោយភាពមិនអស់ចិត្ត ពលរដ្ឋជាច្រើននៅក្នុងបណ្ដាញ Facebook ស្នើឲ្យអាជ្ញាធរបំភ្លឺជុំវិញបញ្ហានេះទៀតផង។
អភិបាលខេត្តកំពង់ធំរូបនេះ បានគូសបញ្ជាក់ថា រូបសំណាកដំរីជាន់ខ្លា ដែលជានិមិត្តរូបឲ្យខេត្តកំពង់ធំនោះ មិនបានបាត់ទៅណាដូចការលើកឡើងក្នុងប្រព័ន្ធបណ្ដាញសង្គមនោះទេ។ ផ្ទុយទៅវិញ អាជ្ញាធរខេត្តបានចំណាយថវិកាមួយចំនួន ដើម្បីរៀបចំរូបដំរីជាន់ខ្លាឲ្យខ្ពស់ និងស្អាតជាងមុន។ ចំណែករូបស្តូប ឬជាបង្គោលរំឭកអនុស្សាវរីយ៍កងទ័ពវៀតណាម គឺគេកសាងតាំងពីទសវត្ស៨០ ពោលគឺតាំងពីពួកកងទ័ពវៀតណាម មានវត្តមានលើដីខ្មែរមកម្ល៉េះ ហើយអាជ្ញាធរក៏មិនដែលបានកែប្រែស្តូបនោះអ្វីដែរ។សម្រាប់ការលើកឡើងថា បាត់រូបដំរីជាន់ខ្លានោះ គឺជាការបំភ្លៃព័ត៌មានទាំងស្រុង។លោកបន្តថា ព័ត៌មានពិតអាចជួយបង្កើនការយល់ដឹងដល់ប្រជាពលរដ្ឋ ក៏ប៉ុន្តែប្រសិនបើព័ត៌មាននោះមិនពិតវិញ គឺជារឿងបំពុលមតិសាធារណជន ហើយក៏អាចធ្វើឲ្យខ្មែរ និងខ្មែរបែកបាក់សាមគ្គីគ្នា៕
រូបភាពប្លែកៗ៖ នេះជារូបភាពមួយ ដែលគេយកមកបង្ហោះលើបណ្ដាញសង្គម Facebook បង្កឲ្យអ្នកលេងបណ្ដាញសង្គមនេះមួយចំនួន មានការរិះគន់ និងនាំគ្នាជឿផងនិងមិនជឿផង តើថាមានរឿងព្រះសង្ឃប្រសិទ្ធីដល់ថ្នាក់នេះ និងវាខុសឆ្គងទៅនឹងច្បាប់ព្រះសង្ឃឬយ៉ាងណា។
យ៉ាងណាក៏ដោយ រូបភាពដែលបង្ហោះលើបណ្ដាញ Facebook មួយនេះ មិនមានប្រភពជាក់លាក់បង្ហាញថា នៅក្នុងប្រទេសណានោះទេ គ្រាន់តែគេសង្កេតឃើញ រូបនេះបានបង្ហោះលើពីទំព័រ Facebook ជាភាសាថៃ។ ជាក់ស្ដែង រូបភាពខាងលើនេះ ជាការពិតឬយ៉ាងណានោះ នៅតែជាចម្ងល់ ហើយសម្រាប់រូបភាពនេះ ប្រហែលជាអាច មានការប៉ះពាល់ដល់ព្រះសង្ឃឬព្រះពុទ្ធសាសនារបស់យើងផងដែរ។ ចុះមិត្តអ្នកអានវិញ តើយល់ឃើញយ៉ាងណាដែរ?
ប្រភព kqube
យ៉ាងណាក៏ដោយ រូបភាពដែលបង្ហោះលើបណ្ដាញ Facebook មួយនេះ មិនមានប្រភពជាក់លាក់បង្ហាញថា នៅក្នុងប្រទេសណានោះទេ គ្រាន់តែគេសង្កេតឃើញ រូបនេះបានបង្ហោះលើពីទំព័រ Facebook ជាភាសាថៃ។ ជាក់ស្ដែង រូបភាពខាងលើនេះ ជាការពិតឬយ៉ាងណានោះ នៅតែជាចម្ងល់ ហើយសម្រាប់រូបភាពនេះ ប្រហែលជាអាច មានការប៉ះពាល់ដល់ព្រះសង្ឃឬព្រះពុទ្ធសាសនារបស់យើងផងដែរ។ ចុះមិត្តអ្នកអានវិញ តើយល់ឃើញយ៉ាងណាដែរ?
ប្រភព kqube
ខេត្តប៉ៃលិន ៖ តាំងពីដើមរៀងមកប្រជាកសិករភាគច្រើនរស់នៅក្នុងខេត្តប៉ៃលិននិយម ដាំដំណាំពោតក្រហមច្រើនជាង ដំណាំណាៗទាំងអស់ ។ ប៉ុន្តែនៅចុងក្រោយនេះ គេសង្កេតឃើញថា ចាប់តាំងពីចុងឆ្នាំ២០១៣ រហូតមកដល់ ដើមឆ្នាំ ២០១៤ ប្រជាពលរដ្ឋស្ទើរតែទាំងអស់បានងាកបែរ ពីការដាំដំណាំពោតក្រហម មកសម្រុកដាំដំណាំដំឡូងមីទៅវិញ ។
ពាក់ព័ន្ធទៅនឹងបញ្ហាផ្លាស់ប្តូរការដាំដំណាំកសិកម្មបែបនេះ ដោយសារតែពួកគាត់បានពិនិត្យឃើញថា ពោតក្រហមលែងមាន ហាងឆេងខ្ពស់ដូចកាលពីមុនទៀត ហើយពិបាកក្នុងការដាំ និងថែទាំផងដែរ ដោយធ្វើឱ្យកសិករម្នាក់ៗ ខាតបង់ដើមទុនដោយសារដំណាំពោតអស់រាប់លាន ។ ប៉ុន្តែបើងាកមកមើលដំណាំដំឡូងមីវិញ គេឃើញថាមានហាងឆេងខ្ពស់ជាងឆ្នាំមុនៗ និងជាដំណាំដែលងាយស្រួលក្នុងការដាំ និងថែទាំផងដែរ ។
ប្រភពព័ត៌មានពីប្រជាកសិករម្នាក់ ឈ្មោះ គឹម វន ភេទប្រុស អាយុ៦៥ឆ្នាំ រស់នៅភូមិសួនអំពៅលិច សង្កាត់ប៉ៃលិន ក្រុង ប៉ៃលិន បានរៀបរាប់ឱ្យដឹងថា គាត់មានចម្ការចំនួន៨ហិកតា កាលពីឆ្នាំ២០១៣ គាត់បានដាំពោតចំនួន១ហិកតាហើយ ដាំដំឡូងមីចំនួន៧ហិកតា ។ តែដោយសារកាលពីដើមឆ្នាំ២០១៤ កន្លងមក ដំណាំពោតមានការធ្លាក់ថ្លៃខ្លាំងពេកដោយគាត់លក់ពោតទុំទាំងស្នូលក្នុង១គីឡូក្រាម ត្រឹមតែ៤.២បាត ទៅ៤.៤បាត (ប្រាក់ថៃ) ទើបកាលពីជាង១០ ថ្ងៃកន្លងទៅនេះ គាត់បានប្តូរមកដាំដំឡូងមីទាំងអស់វិញ ។ គាត់បានបន្តទៀតថា ក្នុងការដាំពោត១ហិកតា ទទួលផលបានត្រឹមតែ៦ទៅ១០តោនប៉ុណ្ណោះ រីឯការដាំដំឡូងមីវិញ ក្នុង១ហិកតា គាត់ទទួលផលបានពី៤០ទៅ៥០តោនឯនោះ ហើយដំឡូងស្រស់នៅឆ្នាំនេះ គាត់លក់ក្នុង១គីឡូក្រាម បានថ្លៃ២.៤បាត ទៅ២.៧បាត ។ តែបើដំឡូងចិញ្ច្រាំ រួចហាលឱ្យស្ងួតវិញ គាត់លក់បានក្នុង១គីឡូក្រាម ថ្លៃ៥.៨បាត ទៅ៦.២បាតឯណោះ ហើយបើទូរទាត់ទៅឃើញថាដំឡូងមីលក់បានចំណេញជាងដំណាំពោតឆ្ងាយណាស់ ហើយផលក៏បានច្រើនជាងពោតដែរ ។
ចំណែក លោក សាយ សុផាត ប្រធានមន្ទីរកសិកម្មខេត្តប៉ៃលិន បានឱ្យដឹងថា ការដាំដំឡូងមីនៅដើមឆ្នាំ២០១៤មានការកើនឡើង គឺរហូតដល់ចំនួន២២០៧៥ហិកតា ចំណែកឯដំ ណាំពោតវិញ មានត្រឹមតែ៣១២៥ហិកតាប៉ុណ្ណោះ បើប្រៀបធៀបទៅនឹងឆ្នាំ២០១៣ កន្លងមក ដំណាំពោតមានចំនួន៣២២១២ហិកតា រីឯដំឡូងមីមាន១៨៧៧៤ហិកតា ។ លោកបានបន្ត ទៀតថា ដំណាំពោតដែលគេធ្លាប់នាំចេញទៅប្រទេសថៃនាឆ្នាំ២០១៤នេះមានការធ្លាក់ចុះយ៉ាងខ្លាំងធ្វើឱ្យប្រជាកសិករម្នាក់ៗ ស្ទើរតែបោះបង់ចោលការដាំពោតអស់ទៅហើយ ។ ចំណែកតំលៃដំឡូងមីមានការឡើងថ្លៃជាងឆ្នាំមុន ហើយការប្រមូលផលដំឡូងមីបានមកមានឈ្មួញថៃ ដើរទិញតាមស្តង់ ក៏មានឈ្មួញកណ្តាលខ្មែរដើរទិញផងដែរ ។ បន្ទាប់មកគេលក់បន្តនៅក្នុងប្រទេសខ្លះ នាំចេញទៅលក់នៅប្រទេសថៃខ្លះ ចិនខ្លះ និងទៅប្រទេសវៀតណាមខ្លះ ។ ម្យ៉ាងវិញ ទៀតបច្ចុប្បន្ននេះគេឃើញមានក្រុមហ៊ុនចិនបានចូលមកបណ្តាក់ទុននៅក្នុងខេត្តយើង ហើយក៏មានក្រុមហ៊ុនចិនត្រូវការទិញវត្ថុធាតុដើមដំឡូងមីយកទៅច្នៃកិនធ្វើម្សៅមីផងដែរ ។
ចំណែកប្រជាជនយើងភាគច្រើនបានយល់ដឹងពីរបៀបប្រមូលផលដំឡូងមី បើសិនជាដំឡូងចុះថោកពួកគាត់បាននាំគ្នាយកមកចិញ្ច្រាំហាលឱ្យស្ងួតទុកលក់នៅពេលឡើងថ្លៃ មិនដូចកាលពីមុន គឺពួកគាត់ប្រមូលផលបានភ្លាមលក់ទាំងដំឡូងស្រស់ ទោះបីជាឈ្មួញបង្អាប់ឱ្យតម្លៃថោកក៏ដោយ ព្រោះមិនចេះរបៀបរក្សាទុកឱ្យបានយូរ ។ ពីមុនដកដំឡូងបានភ្លាមដឹកឆ្ពោះទៅស្តង់ភ្លាមៗហើយត្រូវឈ្មួញបន្ថោកតម្លៃយ៉ាងខ្លាំង តែពេលនេះបើសិនជាហាងឆេងចុះថោក ពួកគាត់សុខចិត្តនាំគ្នាចិញ្រា្ចំទុករហូតដល់ឡើងថ្លៃ ទើបពួកគាត់លក់បានប្រាក់យ៉ាងច្រើន ។
មូលហេតុដែលពួកគាត់ដាំដំឡូងមីច្រើននៅឆ្នាំនេះ ដោយសារប្រជាពលរដ្ឋបានដឹងពីរាជរដ្ឋាភិបាល និងអាជ្ញាធរខេត្ត បានចុះសារណះជាមួយភាគីថៃ ដោយមិនឱ្យយកពន្ធពេលយើងនាំដំណាំកសិផលចេញទៅក្រៅ ។ ប៉ុន្តែជំនាញមានការព្រួយបារម្ភយ៉ាងខ្លាំងចំពោះបងប្អូនប្រជាពលរដ្ឋដែលបានដាំដំឡូងមីច្រើន ដោយនៅពាក់កណ្តាលឆ្នាំអត់នាំគ្នាដាំដំណាំពោត ដែលមានរយៈពេលខ្លីត្រឹមតែ៤ខែអាចប្រមូលផលបាន ហើយសុខចិត្តដាំដំឡូងមីដែលមានរយៈពេល វែង១ឆ្នាំទើបប្រមូលផល ធ្វើឱ្យពួកគាត់រត់ទៅខ្ចីបុលឥនទានពីធនាគារយកមកទិញម្ហូបអាហារ ប្រចាំថ្ងៃ រហូតដល់ពេលប្រមូលផលដំឡូងនៅចុងឆ្នាំទើបបានប្រាក់សងជំពាក់គេវិញ ។ ម្យ៉ាងវិញទៀតខាងជំនាញក៏ព្រួយផងដែរ ពីការដាំដំឡូងមីជាប់ៗគ្នាជារៀងរាល់ឆ្នាំ ដែលបង្កឱ្យខ្សោះជីជាតិខូចដី ដែលធ្វើឱ្យទិន្នផលរបស់ដំឡូងមីមានការធ្លាក់ចុះពីមួយឆ្នាំទៅមួយឆ្នាំ ។ តែ បើពួកគាត់ផ្លាស់ប្តូរយៈពេល២ឆ្នាំ ទៅដាំសណ្តែកបាយ សណ្តែកសៀងវិញម្តង នោះដីនឹងមានជីជាតិឡើងវិញ ព្រោះថាការដាំដំឡូងមីស៊ីជីជាតិខ្លាំងណាស់ ហើយបើយើងយល់ដឹងពីការប្រើ ប្រាស់ជីធម្មជាតិ និងជីគីមី នោះធ្វើឱ្យដីនៅមានគុណភាពល្អ ។
ក្រុងព្រះសីហនុ ៖ មានហេតុការណ៍អគ្គិភ័យមួយបានកើតឡើង បណ្តាលឱ្យឆាបឆេះផ្ទះជញ្ជាំងក្តារប្រក់ស័ង្កសីទំហំ៥ម៉ែត្រ គុណនិង៦ម៉ែត្រអស់ទាំងស្រុង បង្កឱ្យភ្ញាក់ផ្អើលកាលពីវេលាម៉ោង១១ និង៣០នាទីព្រឹកថ្ងៃទី០៩ កុម្ភៈ ២០១៥ នេះ ស្ថិតនៅចំណុចភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ ។
ប្រភពបានឱ្យដឹងថា ម្ចាស់ផ្ទះត្រូវបានស្គាល់ឈ្មោះយ៉ន វ៉ុន អាយុ៤៤ឆ្នាំ ជាកម្មករដូងប្រេង មានទីលំនៅក្នុងភូមិកើតហេតុខាងលើ ។
ប្រភពបន្តថា ចំណែកមូលហេតុត្រូវបានគេដឹងថា កើតឡើងដោយសារកូនប្រុសម្ចាស់ផ្ទះអាយុ១៣ឆ្នាំម្នាក់ បានលេងធ្វើកូនឡដុតធ្យូង ខណៈនោះក៏ត្រូវម្តាយស្តីបន្ទោសថា «កុំលេងប្រយ័ត្នឆេះផ្ទះគេ» ។ ពេលនោះកូនប្រុសបានពន្លត់ភ្លើង និងយករងើកភ្លើងនោះទៅទុកនៅចង្ក្រានក្នុងផ្ទះ ដោយនឹកស្មានថា រងើករលត់ហើយ តែរងើកមិនទាន់រលត់អស់បានហើរឡើង ក៏បណ្តាលឱ្យឆាបឆេះតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
មូលដ្ឋានគ្រឹះទាំង ៦ យ៉ាងអ្នកជំនាញទាំងបីផ្នែកកត់សម្គាល់ឃើញមានដូចជា៖
ទី១ ព្រាប សុវត្ថិ ទស្សនិកជនខ្មែរចាត់ទុកជាកំពូលតារាចម្រៀងប្រចាំប្រទេស កម្ពុជា។
ទី២ ព្រាប សុវត្ថិ លែងស្ទីលតុបតែងខ្លួនប្លែក និង ប្រែប្រួលគ្រប់ពេល គ្រប់កាលៈទេសៈ។
ទី៣ ព្រាប សុវត្ថិ អាចច្រៀងបត់បែនបានគ្រប់ស្ទីលទាំងអស់ ដែលតារាចម្រៀងផ្សេងទៀតធ្វើមិនទាន់បាន។
ទី៤ ព្រាប សុវត្ថិ មានអត្តចរិតស្លូតបូត រួសរាយរាក់ទាក់គួរឱ្យទស្សនិកជនគោរពស្រលាញ់។
ទី៥ ព្រាប សុវត្ថិ ជាតារាចម្រៀងចូលចិត្តគោរពពេលវេលា និង ឱ្យតម្លៃការងារអ្នកដទៃបំផុត។
ទី៦ ព្រាប សុវត្ថិ បើកចំហរឿងផ្ទាល់ខ្លួន រួមនឹងគ្រួសារ។
អ្នកគ្រប់គ្រងកម្មវិធី តន្ត្រីយុវវ័យស្ថានីយទូរទស្សន៍ បាយ័នលោក គង់ វិសាល ប្រាប់ថា អាកប្បកិរិយា ស្លូតបូត រួសរាយរាក់ទាក់គួរឱ្យគោរពរបស់ ព្រាប សុវត្ថិ ធ្វើឱ្យមហាជនខ្មែរនៅតែស្រលាញ់ពេញខ្លាំង។
លោក គង់ វិសាល បញ្ជាក់ដូច្នេះថា៖ “មិនថាតែមហាជនទេនៅឱ្យតម្លៃគាត់ សូម្បីតែតារាគ្នាឯង រួមនឹងអ្នកគ្រប់គ្រងផលិតកម្មវិធី ក៏ឱ្យតម្លៃគាត់ជាងគេដែរ”។
អ្នកគ្រប់គ្រងកម្មវិធីរូបនេះបន្តថា ការរៀបចំផែនការច្បាស់លាស់ទុកជាមុន ពេលចេញសម្ដែងកម្មវិធីម្ដងៗ ធ្វើឱ្យកំពូលតារាចម្រៀងខាងលើដិតជាប់អារម្មណ៍មហាជនជានិច្ច។
និយាយដោយគិតថាកម្រនឹងមានតារាផ្សេងអាចជែងប្រជាប្រិយភាពនឹង ព្រាប សុវត្ថិ បាន តន្ត្រីករល្បីឈ្មោះលោក រ៉េតធី ដូណា ឱ្យដឹងថា ចំណុចទាំង៦យ៉ាងខាងលើ គឺជាអាវុធដ៏រឹងម៉ាំ ធ្វើឱ្យតារារូបនេះអាចឈរលើកំពូលបានតទៅទៀត បើទោះបីជាបច្ចុប្បន្នបទចម្រៀងលោក ហាក់ធ្លាក់ចុះជាងមុនក៏ដោយ។
លោកបានលើកឡើងថា៖ “គាត់ក្រសោបបានអារម្មណ៍ទស្សនិកជនជាង ១០ ឆ្នាំ ទៅហើយ ដូច្នេះគេមិនងាយភ្លេចគាត់ទេ នៅតែគាំទ្រដដែលហ្នឹង ទោះជាចម្រៀងគាត់បច្ចុប្បន្នស្រុតចុះខ្លះក្ដី”។
ដោយឡែក លោក សេត គឹមសឿន អតីតអ្នកយកព័ត៌មានកាសែតភ្នំពេញប៉ុស្តិ៍ជាភាសាខ្មែរ ទើបចេញទៅផលិតកម្មវិធីនៅទូរទស្សន៍ CNC នាពេលថ្មីៗ និយាយថា ការបើកចំហព័ត៌មានផ្ទាល់ខ្លួន ដោយមិនលាក់លៀមជាមួយក្រុមអ្នកយកព័ត៌មាន ធ្វើឱ្យអ្នកយកព័ត៌មាននានាគោរព និងភាគច្រើនសរសេរតែរឿងល្អៗប៉ុណ្ណោះ។ ខុសប្លែកពីតារាផ្សេងទៀតតែងតែចូលចិត្តលាក់បាំងព័ត៌មានផ្ទាល់ខ្លួន។
រឿងដ៏សំខាន់មួយទៀតធ្វើឱ្យអតីតអ្នកសារព័ត៌មានភ្នំពេញប៉ុស្តិ៍ខាងលើចាប់អារម្មណ៍ខ្លាំងគឺ តម្លៃខ្លួនតារាចម្រៀង ព្រាប សុវត្ថិ នៅតែខ្ពស់ជាងតារាដទៃដាច់ ទោះជាបច្ចុប្បន្នមិនសូវមានអ្នកនិពន្ធណា និពន្ធបទចម្រៀងឱ្យល្បីដូចមុនក៏ដោយ។
ព្រាប សុវត្ថិ ឈរជាកំពូលតារាចម្រៀងជាង ១៥ឆ្នាំមកហើយ ចាប់តាំងពីឆ្នាំ ១៩៩៩មក។ បទចម្រៀងចាស់ៗពីកំពូលតារាចម្រៀងរូបនេះនៅតែដិតជាប់ក្នុងអារម្មណ៍មហាជនខ្មែរ ទាំងចាស់ ទាំងក្មេង។ បច្ចុប្បន្នតារាចម្រៀងល្បីឈ្មោះរូបនេះ ហាក់ធ្លាក់ចុះបន្តិច ព្រោះបទចម្រៀងចេញលក់លើទីផ្សារមិនសូវផ្ទុះខ្លាំងដូចមុន៕
បើតាមការឲ្យដឹងពី លោក ឡោ កុសល អ្នកដឹកនាំក្នុងការថតនេះ បទចម្រៀងទាំង ៨០ បទ នេះ នឹងត្រូវចែកចេញជា ៤ វ៉ុល ដែលសុទ្ធសឹងតែជាបទតម្រូវរដូវចូលឆ្នាំប្រពៃណីខ្មែរ មានដូចជា រាំវង់ រាំក្បាច់ សាន់វ៉ាន់ ឡាំលាវ កន្ទ្រឹម ជាដើម។ ផលិតកម្មបុប្ផា បានប្រើពេលតែ ១ ថ្ងៃ ប៉ុណ្ណោះ ក្នុងការថតបទចម្រៀងទាំងអស់នេះ ដែលចាប់ផ្ដើមតាំងតែពីម៉ោង ៨ ព្រឹក រហូត ដល់ម៉ោង ៤ ទាបភ្លឺ ក្នុងទីអារាមមួយ នៅសង្កាត់ ស្ទឹងមានជ័យ។
ការថតបទចម្រៀងច្រើនប្រើពេលតែ១ថ្ងៃ មិនមែនជារឿងថ្មីឡើយ ជារៀងរាល់ឆ្នាំផលិតកម្មបុប្ផា ក៏ដូចជា ផលិតកម្មក្នុងស្រុកមួយចំនួនទៀត ក៏ធ្វើរបៀបនេះដូចគ្នា។ លោក ឡោ កុសល បានលើកឡើងថា តារាសម្ដែង ក៏ដូចជា តារាចម្រៀងមិនសូវមានពេលគ្រប់គ្រាន់ឲ្យឡើយ ទម្រាំណាត់បានមកថត ក្រុមការងាររបស់លោកបានប្រើពេលជាង ១ ខែ ដើម្បីអញ្ជើញមកចូលរួម។
លោក កុសល បានឲ្យដឹងទៀតថា ទាំងតារាចម្រៀងក៏ដូចជាតារាសម្ដែងរាំអមឆាក មានរហូតដល់ទៅជិត ១០០ នាក់ ត្រូវបានផលិតកម្មរបស់លោកអញ្ជើញមក។
ផលិតកម្មបុប្ផា ជាផលិតកម្មមួយ ត្រូវបានគេស្គាល់ថា ជាផលិតកម្មខ្មែរនៅក្រៅប្រទេស ដែលមាន កញ្ញា ឡោ បុប្ផា ជាចាងហ្វាង ។ កន្លងមកមានផលិតកម្មខ្មែរក្នុងស្រុក និង ក្រៅស្រុកច្រើនណាស់បង្កើតឡើង ប៉ុន្តែក្រោយមកក៏បិទទ្វារទៅវិញ ដោយសារតែការផលិតគ្មានគុណភាព និង មានការលូចចម្លងច្រើន។
លោក បានបញ្ជាក់ថា មូលហេតុដែលនាំឲ្យផលិតកម្មមួយបិតទ្វាក៏ព្រោះតែបទចម្រៀងដែលផលិតហើយ ត្រូវបានជនខិលខូចចម្លងយកទៅលក់បន្ត ហើយដាក់លក់ ក្នុងតម្លៃថោក។ អ្នកដឹងនាំសម្ដែងរូបនេះបានលើកឡើងថា កុំថាឡើយនៅក្នុងស្រុក សូម្បីតែនៅអាមេរិកក៏ មានCD Copy ដែរ ដោយជនខិលខូចទាំងនោះ យកទៅលក់តាមផ្ទះបងប្អូនខ្មែរតែម្ដង ដោយគេលក់តែ១បន្ទះ គឺពី១-២ ដុល្លារ ប៉ុណ្ណោះ ខណៈដែល CD Original មានតម្លៃដល់ទៅ ៥ ដុល្លារក្នុងមួយបន្ទះ។ ជាមួយគ្នានោះដែរ YouTube ក៏ជាចំណុចដែលនាំឲ្យផលិតកម្មក្ស័យធនដែរ ព្រោះអ្នកទិញបានយកទៅចម្លងចូល ដូចនេះអតិថិជនដែលធ្លាប់ទិញ លែងទិញ បែរជាចាំមើល តាម YouTubeទៅវិញ។
ទោះបែបនេះក្ដី ដើម្បីសិល្បៈ ទំនៀមទម្លាប់ប្រពៃណីខ្មែរ ផលិតកម្មបុប្ផា នៅតែមានឆន្ទៈ បន្តការងាររបស់ខ្លួន រហូតដល់ដំណាក់កាលចុងក្រោយ។ ក្នុងនោះដែរ លោកសូមសំណូមពរ អតិជនទាំងអស់ មេត្តាជួយ ទិញ CD Original របស់ផលិតកម្មបុប្ផា ដើម្បីឲ្យផលិតកម្មចាស់វស្សាមួយនេះ អាចឈរជើងបម្រើអារម្មណ៍ទស្សនិកជនបន្តទៀត ៕
សូមទស្សនារូបភាព តារាប្រុស-ស្រី ចាស់ និង ថ្មី ដែលបានចូលរួមថត MV ឲ្យផលិតកម្ម បុប្ផា កាលពីម្សិលមិញនេះ។
អ្នកស្រី សោម រចនា ម្ដាយ កញ្ញា អៀ ម៉េងលិ ហៅ អូនម៉ី បានប្រាប់ Sabay ថា សាច់ញាតិបានស្ដីបន្ទោសអ្នកស្រីក៏ដូចជាកូនអ្នកស្រីជាខ្លាំង បន្ទាប់ពីបានឃើញសារព័ត៌មានចេញផ្សាយពីកូនអ្នកស្រី ដោយសាច់ញាតិបានចោទថា អ្នកស្រីបានស៊ុមគ្រលុំជាមួយកូន មិនចេះប្រដៅ និង បានធ្វើឲ្យខូចពូជខូចអំបូរអស់ ត្បិតអីស្ដាប់សម្ដីអូនម៉ី និយាយប្រៀបដូចជាចង់ហុចខ្លួនប្រាណឲ្យគេតែម្ដង ដើម្បីដោះដូរអ្វីមួយ។
ភ្លាមៗទាំង Facebook ក៏ដូចជា តាមទូរសព្ទ ត្រូវមិត្តភ័ក្ដិក៏ដូចសាច់ញាតិ call និង Chat មកជាច្រើនស្ទើរមិនមានពេលឆ្លើយតប អ្នកខ្លះសរសើរ អ្នកខ្លះស្ដីបន្ទោស។ តាមសម្ដីរបស់អ្នកស្រី សោម រចនា ចាប់តាំងពីពេលនោះមក អូនម៉ី មានការអៀនខ្មាសខ្លាំងណាស់ ព្រោះនាងទ្រាំមិនបានទៅនឹងការតិះដៀលពីមហាជន ហើយអ្នកស្រីបានព្យាយាមលើកទឹកចិត្តកូនអ្នកស្រី កុំឲ្យគិតច្រើនពេក។
ម្ដាយអូនម៉ីបានលើកឡើងថា អ្នកស្រីស្គាល់ច្បាស់ណាស់ពីប្រពៃណីខ្មែរ ហើយអ្នកស្រីក៏មិនបណ្ដោយឲ្យកូនស្រីដើរលើសគន្លងនោះទេ រាល់ការចេញទៅណាមកណាអ្នកស្រីទៅតាមជានិច្ចមិនបណ្ដោយឲ្យកូនទៅតែម្នាក់ឯងឡើយ ហើយអូនម៉ីមុនធ្វើអ្វីមួយតែងតែសុំការអនុញ្ញាតពីម្ដាយជានិច្ច។
អ្នកស្រីបានបន្តថា ធម្មតាទេរឿងសិល្បៈបញ្ចេញភាពសិចស៊ីតិចតួចវាមិនទៅបញ្ហាចោទធំដុំអ្វីឡើយ។ ម្យ៉ាងកូនអ្នកស្រីនៅក្មេង ការនិយាយស្ដីមិនដឹងគ្រប់ជ្រុងជ្រោយ ដូចនេះ សូមឲ្យសាច់ញាតិក៏ដូចជាទស្សនិកជនមេត្តាយោគយល់ផង។
ទោះបីជាមានចំណុចវិជ្ជមានរិះគន់លើភាពសិចស៊ីបែបនេះ ប៉ុន្តែទន្ទឹមនឹងនោះ ទីផ្សារសិល្បៈរបស់អូនម៉ី បែរជាកាន់តែឡើងខ្លះទៅវិញ ព្រោះតាមការឲ្យដឹងពី អ្នកស្រី សោម រចនា មួយរយៈចុងក្រោយនេះ មានអ្នកដឹកនាំរឿង ខារ៉ាអូខេ និង ស្ប៉តពាណិជ្ជកម្ម ជាច្រើនបានទាក់ទងថត ប៉ុន្តែ អ្នកស្រីមិនទាន់ទទួល ព្រោះបច្ចុប្បន្ន អូនម៉ី កំពុងតែជាប់កុងត្រាថត រឿងរហូតដល់ទៅ ៥ រឿង ក្នុងដៃឯណោះ ក្នុងនោះ មាន រឿង ខ្មោចទឹក មរណៈបេះដូង វិថីនារី និង រឿង ២ ទៀត ដែលអ្នកស្រីមិនចាំឈ្មោះ។
ម្ដាយអូនម៉ីបញ្ជាក់ជាថ្មីថា កូនអ្នកស្រីសិចស៊ី និងចង់ល្បីដូចតារារៀមច្បងក៏ពិតមែន ប៉ុន្តែរឿងដោះដូរខ្លួនប្រាណដើម្បីអ្វីមួយ គឺមិនអាចទៅរួចឡើយ ព្រោះក្រុមគ្រួសារអ្នកស្រីមានពូជអំបូរត្រឹមត្រូវខ្លាំងណាស់ មិនធ្វើរឿងថោកទាបនោះឡើយ៕
តារាចម្រៀងអាមេរិក Katy Perry បានបង្ហាញឈុតសម្ដែងយ៉ាងពិសេស ក្នុងកម្មវិធីបើកការប្រកួតបាល់ឱប Pepsi Super Bowl Halftime ឆ្នាំ២០១៥ ដែលបានរៀបចំឡើងកាលពីថ្ងៃទី១ ខែកុម្ភៈ នៅទីក្រុង Glendale រដ្ឋ Arizona សហរដ្ឋអាមេរិក។
តារាចម្រៀងវ័យ៣០ឆ្នាំរូបនេះ បានទាក់ទាញចំណាប់អារម្មណ៍ទស្សនិកជនយ៉ាងខ្លាំងតាមរយៈការបង្ហាញខ្លួនលើខ្លាយន្តដ៏ធំមួយ រួមជាមួយឈុតសំលៀកបំពាក់ប្លែកៗជាច្រើនឈុត។ ក្នុងរយៈពេល ១២នាទីពេញ Katy Perry បានសម្ដែងបទចម្រៀងជាច្រើនបទ ដូចជា “Roar” , “Dark Horse”, និងបទ “I Kissed a Girl”។ លើសពីនេះ Katy បានច្រៀងជាមួយតារាចម្រៀង Lenny Kravitz សម្រាប់បទ “Teenage Dream” , “California Gurls” , “Get Your Freak On” និងបទ “Lose Control” ជាមួយ Missy Elliott និងបទចុងក្រោយគឺបទ “Firework”។
