ឆេះផ្ទះក្តារប្រក់ស័ង្កសីមួយខ្នងអស់ទាំងស្រុង នៅស្រុកព្រៃនប់
ក្រុងព្រះសីហនុ ៖ មានហេតុការណ៍អគ្គិភ័យមួយបានកើតឡើង បណ្តាលឱ្យឆាបឆេះផ្ទះជញ្ជាំងក្តារប្រក់ស័ង្កសីទំហំ៥ម៉ែត្រ គុណនិង៦ម៉ែត្រអស់ទាំងស្រុង បង្កឱ្យភ្ញាក់ផ្អើលកាលពីវេលាម៉ោង១១ និង៣០នាទីព្រឹកថ្ងៃទី០៩ កុម្ភៈ ២០១៥ នេះ ស្ថិតនៅចំណុចភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ ។
ប្រភពបានឱ្យដឹងថា ម្ចាស់ផ្ទះត្រូវបានស្គាល់ឈ្មោះយ៉ន វ៉ុន អាយុ៤៤ឆ្នាំ ជាកម្មករដូងប្រេង មានទីលំនៅក្នុងភូមិកើតហេតុខាងលើ ។
ប្រភពបន្តថា ចំណែកមូលហេតុត្រូវបានគេដឹងថា កើតឡើងដោយសារកូនប្រុសម្ចាស់ផ្ទះអាយុ១៣ឆ្នាំម្នាក់ បានលេងធ្វើកូនឡដុតធ្យូង ខណៈនោះក៏ត្រូវម្តាយស្តីបន្ទោសថា «កុំលេងប្រយ័ត្នឆេះផ្ទះគេ» ។ ពេលនោះកូនប្រុសបានពន្លត់ភ្លើង និងយករងើកភ្លើងនោះទៅទុកនៅចង្ក្រានក្នុងផ្ទះ ដោយនឹកស្មានថា រងើករលត់ហើយ តែរងើកមិនទាន់រលត់អស់បានហើរឡើង ក៏បណ្តាលឱ្យឆាបឆេះតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
0 ความคิดเห็น:
แสดงความคิดเห็น