ជិៈកង់ឆ្លងថ្នល់ជាតិមិនប្រយ័ត្នត្រូវរថយន្ត CRV បុកសន្លប់ស្តូកស្តឹង
ខេត្តកំពង់ឆ្នាំង ៖ បុរសម្នាក់បានរងរបួសធ្ងន់ក្នុងហេតុការណ៏គ្រោះថ្នាក់ចរាចរណ៏មួយដែលបានកើតឡើងកាលពីវេលាម៉ោង ៤ និង៣០នាទីល្ងាច ថ្ងៃទី៣១ ខែមករា ឆ្នាំ២០១៥ លើកំណាត់ផ្លូវជាតិលេខ៥ ស្ថិតក្នុងភូមិអូរ សណ្តាន់ ឃុំទឹកហូត ស្រុករលាប្អៀរ ខណៈដែលជនរងគ្រោះកំពុងជិៈម៉ូតូឆ្លងថ្នល់ជាតិត្រូវរថយន្តម៉ាក CRV បុកពេញទំហឹង។
សមត្ថកិច្ចនគរបាលស្រុករលាប្អៀរបានឱ្យដឹងថា ជនរងគ្រោះមានឈ្មោះ ប៉ិច ហាត ភេទប្រុស អាយុ២៨ឆ្នាំ រស់នៅក្នុងភូមិ-ឃុំកើតហេតុខាងលើ ចំណែកអ្នកបើកបររថយន្តម៉ាក CRV ពណ៌ទឹកប្រាក់ ពាក់ស្លាកលេខភ្នំពេញ 2L 2274 បានរត់គេចខ្លួនបាត់ក្រោយពេលកើតហេតុ ។
ប្រភពដដែលបានបន្តថា នៅមុនពេលកើតហេតុ បុរសរងគ្រោះខាងលើបានជិៈកង់ចេញពីផ្លូវលំ ហើយបានឆ្លងថ្នល់ជាតិលេខ៥ តែមិនបានប្រយ័ត្នស្រាប់តែមានរថយន្តម៉ាក CRV ពណ៌ទឹកប្រាក់ ដែលធ្វើដំណើរពីត្បូងទៅជើងបានបុកពេញទំហឹង បណ្តាលឱ្យបុរសរងគ្រោះខ្ទាតប៉ើងជាច្រើនម៉ែត្រសន្លប់ស្តូកស្តឹងតែម្តង ។
ក្រោយពេលកើតហេតុ ជនរងគ្រោះត្រូវបានរថយន្តសង្គ្រោះរបស់មន្ទីរពេទ្យខេត្តដឹកយកទៅសង្គ្រោះ ចំណែកអ្នកបើករបរបានគេចខ្លួនបាត់ ប៉ុន្តែទោះយ៉ាងនេះក្តី មានគេស្គាល់អ្នកបើកបរជាមន្ត្រីរាជការម្នាក់នៅមន្ទីរអង្គភាពមួយនៅក្នុងខេត្តកំពង់ឆ្នាំង ។
រថយន្តបង្កត្រូវវបានសមត្ថកិច្ចនគរបាលយកមករក្សាទុកនៅអធិការដ្ឋាននគរបាលស្រុករលាប្អៀរ ដើម្បីរង់ចាំការដោះស្រាយតាមនិតិវិធីច្បាប់ ៕
ប្រភពពី ៖ វេហាស៍
0 ความคิดเห็น:
แสดงความคิดเห็น