តារាចម្រៀងអាមេរិក Katy Perry បានបង្ហាញឈុតសម្ដែងយ៉ាងពិសេស ក្នុងកម្មវិធីបើកការប្រកួតបាល់ឱប Pepsi Super Bowl Halftime ឆ្នាំ២០១៥ ដែលបានរៀបចំឡើងកាលពីថ្ងៃទី១ ខែកុម្ភៈ នៅទីក្រុង Glendale រដ្ឋ Arizona សហរដ្ឋអាមេរិក។
តារាចម្រៀងវ័យ៣០ឆ្នាំរូបនេះ បានទាក់ទាញចំណាប់អារម្មណ៍ទស្សនិកជនយ៉ាងខ្លាំងតាមរយៈការបង្ហាញខ្លួនលើខ្លាយន្តដ៏ធំមួយ រួមជាមួយឈុតសំលៀកបំពាក់ប្លែកៗជាច្រើនឈុត។ ក្នុងរយៈពេល ១២នាទីពេញ Katy Perry បានសម្ដែងបទចម្រៀងជាច្រើនបទ ដូចជា “Roar” , “Dark Horse”, និងបទ “I Kissed a Girl”។ លើសពីនេះ Katy បានច្រៀងជាមួយតារាចម្រៀង Lenny Kravitz សម្រាប់បទ “Teenage Dream” , “California Gurls” , “Get Your Freak On” និងបទ “Lose Control” ជាមួយ Missy Elliott និងបទចុងក្រោយគឺបទ “Firework”។
រាជធានីភ្នំពេញ៖ តារាចម្រៀង និងសម្តែង ដែលចូលចិត្តសម្ញែងភាពសិចស៊ី នាងប៊ុន ផៃលីន បានផ្ទុះជម្លោះជាមួយបុរសម្នាក់បែកផ្សែងរហូតកាត់ផ្តាច់ចំណងមិត្តភាព បន្ទាប់ពីមានការយល់ច្រឡំមួយកើតឡើងថា បុរសម្នាក់នោះជាប្រុសស្នេហ៍របស់នាង ដែលមានឋានន្តរសក្តិផ្កាយ៣ ហើយធ្វើឱ្យរញ្ជួយចិត្តប្រុសស្នេហ៍នៅអូស្ត្រាលលី ។
ប៊ុន ផៃលីន បានឡើងកម្តៅរាប់រយអង្សាចំពោះការចុះផ្សាយដោយសារព័ត៌មានមួយចំនួនថា បុរសម្នាក់នោះជាគូស្នេហ៍របស់នាង។ ការផ្សាយនោះបាននាំឱ្យនាងប្រកែកតឹងសរសៃកដាក់គ្នា និងបានកាត់ផ្តាច់មិត្តភាពរវាងនាង និងបុរសម្នាក់នោះថែមទៀតផង ។
ប៊ុន ផៃលីន បានកើតទុក្ខមិនសុខចិត្តចំពោះបញ្ហានោះបន្ទាប់ពីសារព័ត៌មាននៅក្នុងស្រុកចុះផ្សាយពីចំណងស្នេហ៍រវាងនាង ជាមួយបុរសប្លែកមុខម្នាក់ដែលបានអះអាងថា មានឋានន្តរសក្តិផ្កាយបី ដោយឃើញអ្នកទាំងពីរបណ្តើរគ្នាយ៉ាងត្រសងចូលរួមខួបកំណើតតារាសម្តែងនាងសេង សូណា កាលពីពេល ថ្មីៗនេះ។ បុរសម្នាក់នោះមានវ័យប្រមាណជាង៤០ឆ្នាំ បណ្តើរគ្នាជាមួយប៊ុន ផៃលីន ដោយមិនខ្វល់ពីភ្នែកមហាជន ខណៈពេលដែលនាងត្រូវគេដឹងថាកំពុងតែមានចំណងស្នេហ៍ជាមួយបុរសម្នាក់នៅអូស្ត្រាលីផងដែរនោះ ។
បន្ទាប់ពីការចុះផ្សាយពីចំណងស្នេហ៍ជាមួយបុរសម្នាក់នោះរួចមក ប៊ុន ផៃលីន ក្តៅចុងច្រមុះចំពោះព័ត៌មាននោះ ដោយនាងចាត់ទុកថាជាព័ត៌មានមួយធ្វើឲ្យនាងកើតជម្លោះយ៉ាងខ្លាំងជាមួយបុរសរូបនោះ ព្រមទាំងបានកាត់ផ្តាច់ចំណងមិត្តភាពជាមួយនឹងគ្នាថែមទៀតផង។
ប៊ុន ផៃលីន អះអាងប្រាប់កោះសន្តិភាពតាមទូរស័ព្ទកាលពីថ្ងៃទី២៦ មករា ២០១៥ថា ការចុះផ្សាយនោះផ្ទុយគ្នាទាំងស្រុងពីការសម្ភាសន៍ជាមួយនាង ដោយសារនាងបានបញ្ជាក់ច្បាស់ហើយថាបុរសម្នាក់នោះមិនមែនជាប្រុសស្នេហ៍របស់នាងឡើយ ពោលគឺគ្រាន់តែជាអ្នករាប់អានគ្នាធម្មតាប៉ុណ្ណោះ ហើយបានរួមដំណើរជាមួយគ្នាចូលរួមកម្មវិធី ។ អ្វីដែលធ្វើនាងកាន់តែហួសចិត្តខ្លាំងថែមទៀតនោះ គេសរសេរថា បុរសម្នាក់នោះមានឋានន្តរសក្តិថ្នាក់ផ្កាយ ប៉ុន្តែធាតុពិតគ្រាន់តែជាអ្នករកស៊ីធម្មតាប៉ុណ្ណោះ ។ ចំណុចនេះហើយដែលបណ្តាលឲ្យនាង និងបុរសនោះយល់ច្រឡំពីគ្នា និងប្រកែកគ្នាតឹងសរសៃក រហូតនាំឲ្យរូបនាង និងគេកាត់ផ្តាច់ការរាប់អានគ្នា ហើយស្ទើរតែក្លាយជាសត្រូវទៅវិញ ។
ប៊ុន ផៃលីន បន្ថែមថា ការចុះផ្សាយនោះមិនត្រឹមតែធ្វើឲ្យបុរសម្នាក់នោះខឹងតែម្នាក់ឯងឡើយ ប៉ុន្តែសម្រាប់បុរសនៅអូស្ត្រាលីក៏អាក់អន់ស្រពន់ចិត្ត និងបានស្តីបន្ទោសរូបនាងយ៉ាងចាស់ដៃ ។
ប៊ុន ផៃលីន បានសំណូមពរដល់ទស្សនិកជនកុំឲ្យមានការយល់ច្រឡំចំពោះបញ្ហាមួយនេះ ព្រោះនាង និងបុរសម្នាក់នោះមិនមានអ្វីលើសពីការរាប់អានគ្នាឡើយ ទើបតែរាប់អានរយៈពេលខ្លីប៉ុណ្ណោះ ដូច្នេះមិនអាចកើតចេញជាស្នេហាបានយ៉ាងរហ័សដូចការលើកឡើងឡើយ ។
ប៊ុន ផៃលីន បញ្ជាក់ថា ឆ្លងកាត់រឿងហេតុជាច្រើនបន្តបន្ទាប់នេះ នាងសូមប្រកាសមិនបើកកកាយពីរឿងស្នេហាទៀតឡើយ ហើយក្នុងខណៈពេលនេះនាងក៏មិនចង់មានស្នេហាទៀតដែរ ដើម្បីទុកពេលវេលាប្រកបអាជីពសិល្បៈឱ្យបានយូរទៅមុខទៀត
ប្រភពពី៖ ចន្ទ្រគ្រាស
ខេត្ដព្រះសីហនុ ៖ នេះគឺជាលើកទី២ហើយ ដែលលោកគ្រូ និងអ្នកគ្រូពេទ្យជាបុគ្គលិកបម្រើការងារនៅមន្ទីរពេទ្យបង្អែកខេត្ដព្រះសីហនុ បានបាចខិត្តប័ណ្ណបកអាក្រាតលោកសេង ណុង ប្រធានមន្ទីរពេទ្យ បន្ទាប់ពាក្យបណ្តឹងរបស់ពួកគាត់ហាក់ពុំមានចំណាត់ការពីថ្នាក់ដឹកនាំ។
ខិត្តប័ណ្ណទាំងនេះ ត្រូវបានគេប្រទះឃើញនៅតាមដើមឈើ តូបលក់ទំនិញ និងហាងកាហ្វេនានា នាព្រឹកថ្ងៃទី២៦ មករា ២០១៥ បង្កឱ្យមានការភ្ញាក់ផ្អើលដល់ប្រជាពលរដ្ឋពេញក្នុងខេត្ដព្រះសីហនុ ស្របពេលដែលគេដឹងថា ស្ថាប័ននីតិបញ្ញតិ (គណៈកម្មការទី១០ នៃរដ្ឋសភា) បានចុះទៅដល់ខេត្ដព្រះសីហនុ នៅល្ងាចថ្ងៃទី២៦ មករា ២០១៥ ដែលតាមប្រភពបង្ហើបថា គណៈកម្មការមួយនេះ អាចនឹងចុះទៅពិនិត្យរឿងមិនប្រក្រតីមួយចំនួននៅខេត្ដព្រះសីហនុ ជាពិសេសសាលាខេត្ត ។ ដោយនៅក្នុងខិត្តប័ណ្ណរបស់បុគ្គលិកនៃមន្ទីរពេទ្យមួយនេះ ក៏បានអំពាវនាវដល់គណៈកម្មការទី១០ នៃរដ្ឋសភាជួយរក ដំណោះស្រាយចំពោះករណីដែលលោកសេង ណុង ប្រធានមន្ទីរពេទ្យបានប្រព្រឹត្ដអំពើពុករលួយ និងបក្ខពួកនិយមផងដែរ។ ខ្លឹមសារបានលើកឡើងថា «យើងខ្ញុំជាវេជ្ជបណ្ឌិត គ្រូពេទ្យ គិលានុប្បដ្ឋាកយិកានៃមន្ទីរពេទ្យបង្អែកខេត្ដព្រះសីហនុ កើតទុក្ខមិនសុខចិត្ដនឹងភាពអយុត្ដិធម៌ ដោយសាររងនូវអំពើពុករលួយបក្ខពួកនិយម និងគ្មានតម្លាភាពដែលជាមូលហេតុធ្វើឱ្យពួកយើងខ្ញុំធ្វើពាក្យប្ដឹងទៅសាលាខេត្ដ ក្រសួងទំនាក់ទំនងរដ្ឋសភា ព្រឹទ្ធសភា និង អធិការកិច្ច អង្គភាពប្រឆាំងអំពើពុករលួយ និងក្រសួងសុខាភិបាលនូវកំហុសឆ្គងដែលលោកសេង ណុង បានប្រព្រឹត្ដ»។ នៅក្នុងលិខិតដដែលបានលើកឡើងទៀតថា «ទី១-អំពើពុករលួយ-បើកកង់ទីន និងកន្លែងផ្ញើកង់ ម៉ូតូក្នុងមន្ទីរពេទ្យ ដោយពុំមានការដេញថ្លៃដែលជាមូលហេតុធ្វើឱ្យបាត់បង់ចំណូលហិរញ្ញប្បទានសម្រាប់មន្ទីរពេទ្យ និងថវិកាជាតិដែលសេវានេះ កាលពីលោកប្រធានមន្ទីរពេទ្យមុនលោកវេជ្ជបណ្ឌិត ចាន់ វិបុល រកបានចំណូលពីសេវានេះ ២.០០០.០០០រៀលក្នុងមួយខែ។ បច្ចុប្បន្ននេះ លោកសេង ណុង គ្រប់គ្រងមន្ទីរពេទ្យបានចំនួន២៨ខែមកហើយ តែចំណូលពីសេវានេះត្រូវបានបាត់បង់ទាំងស្រុង ។ កាប់ដើមឈើធំៗក្នុងបរិវេណមន្ទីរពេទ្យចំនួន១៣ដើម ដែលមានអាយុមិនតិចជាង៥០ឆ្នាំ ហើយដើមឈើនីមួយៗមានអង្កត់ផ្ចិតពី១.២ម៉ែត្រ ទៅ២ម៉ែត្រយកទៅធ្វើជាសម្បត្ដិផ្ទាល់ខ្លួន និងបក្ខពួកផ្ទាល់ខ្លួនមួយចំនួនតូច។ ចំណាយថវិការហិរញ្ញប្បទានច្រើនហួសហេតុទៅលើការផ្គត់ផ្គង់ម្ហូបអាហារ សម្រាប់បុគ្គលិកយាមប្រចាំការដោយគ្មានការដេញថ្លៃ ហើយគុណភាពអាហារទៀតសោតមិនសម្យនឹងតម្លៃ។ ចំណុចទី២-បក្ខពួកនិយម និងគ្មានតម្លាភាព (បុគ្គលិកមួយចំនួនដែលជាបក្សរបស់លោកសេង ណុង អាចបំរើការងារ ឬឈរឈ្មោះបានពី២ទៅ៣កន្លែងក្នុងពេលតែមួយ ដូចជាតាមរោងចក្រ សហគ្រាសនានា) -អ្នកផ្គត់ផ្គង់ម្ហូបអាហារសម្រាប់បុគ្គលិកយាមប្រចាំការឱសថ និងសម្ភារបរិក្ខារពេទ្យជាមនុស្សតែម្នាក់ដែលជាបក្ខពួករបស់ខ្លួន ។ ចាត់តាំងបុគ្គលិកទៅរៀបបន្ថែម ឬទៅសិក្ខាសាលាមិនត្រឹមត្រូវទៅតាមជំនាញបច្ចេកទេស និងដោយអត្ដនោម័តិ ។ អនុញ្ញាតច្បាប់ឈប់សម្រាកឱ្យបក្ខពួករបស់ខ្លួនមានរយៈពេលយូរ (លើសពី១ខែ) ជាលទ្ធផលក្រោយពីមានការចុះស្រាវជ្រាវ និងអង្កេតតិចតួចពីសំណាក់សាលាខេត្ដ និងក្រសួងសុខាភិបាលមក គឺគ្មានដំណោះស្រាយអ្វីទាំងអស់ ដើម្បីផ្ដល់នូវភាពយុត្ដិធម៌សម្រាប់ពួកបុគ្គលិក ផ្ទុយទៅវិញបែរជាលេចចេញនូវសកម្មភាពក្រអើតក្រទមក្នុងការបន្ដអំពើពុករលួយដោយគ្មានការខ្លាចរអាល និងកាយវិការហិង្សាមួយចំនួនបង្កឱ្យមានការភ័យខ្លាចដល់ក្រុមគ្រូពេទ្យខ្ញុំពីសំណាក់ប្រធានមន្ទីរពេទ្យ មន្ទីរសុខាភិបាល សាលាខេត្ដ និងក្រសួងសុខាភិបាល» ។
ពាក់ព័ន្ធករណីប្រព្រឹត្តិអំពើពុករលួយ និងបក្សពួកនិយមនេះដែរ បើយោងតាមអ្នកច្បាប់មួយចំនួនបានអះអាងថា លោកសេង ណុង ប្រធានមន្ទីរពេទ្យបង្អែកចំការចេក បានប្រព្រឹត្តិអំពើពុករលួយ និងបក្ខពួកនិយមពិតមែននោះ លោកសេង ណុង ពិតជាមិនអាចគេចផុតពីសំណាញ់ច្បាប់នោះទេ បើទោះបីជាលោកសេង ណុង មានមន្ត្រីជាន់ខ្ពស់នៅពីក្រោយខ្នងយ៉ាងណាក្តី ជាពិសេសអង្គភាពប្រឆាំងអំពើពុករលួយ និងគណៈកម្មាធិការទី១០ នៃរដ្ឋសភា និងមិនអត់អោនជាដាច់ខាត ព្រោះអាណត្តិថ្មីនេះ គឺជាអាណត្តិវះកាត់សាច់ស្អុយចេញមិនទុករាលដាលតទៅទៀតនោះទេ។
ជុំវិញបញ្ហាខាងលើនេះ លោកសេង ណុង ពុំធ្វើការបកស្រាយទៅលើខ្លឹមសារនៃលិខិតរិះគន់នោះទេ នៅពេលជួបសម្ភាសន៍ផ្ទាល់ដោយទង្វើនេះត្រូវគេគិតថា លោក សេង ណុង ហាក់ពុំមានការទទួលត្រូវ ឬលោកសេង ណុងអាង អ្នកធំណាម្នាក់នៅពីក្រោយទើបលោកពុំខ្វល់អំពីការរិះគន់ពីមជ្ឈដ្ឋានខាងក្រៅ ៕
ប្រភពពី ៖ ចន្ទ្រគ្រាស
