នគរបាលស្រុកឆ្លុង ឃាត់ខ្លួនស្ត្រីជនជាតិអ៊ីស្លាម ពីបទចរាចរណ៏រូបិយប័ណ្ណក្លែងក្លាយ
ខេត្តក្រចេះ ៖ ស្ត្រីជនជាតិខ្មែរអ៊ីស្លាមម្នាក់ ត្រូវនគរបាលស្រុកឆ្លូងចាប់ឃាត់ខ្លួនពីបទ ចរាចរណ៍រូបិយវត្ថុក្លែងក្លាយ បន្ទាប់ពីស្ត្រីរូបនេះ និងបក្សពួកម្នាក់ទៀត បានយកប្រាក់ដុល្លារក្លែងក្លាយជាច្រើនសន្លឹកមកចាយនៅក្នុងពិធីបុណ្យនៅក្នុងវត្តមួយក្នុងស្រុកឆ្លូង នៅយប់ថ្ងៃទី៣១ មករា ២០១៥។
ស្ត្រីជាប់ចោទរូបនេះឈ្មោះសុះ វី អាយុ៣៥ឆ្នាំ ជនជាតិខ្មែរអ៊ីស្លាម មានមុខរបរមិនពិតប្រាកដ រស់នៅភូមិរកាប្រាំ ឃុំទំពាំងឬស្សី ស្រុកត្បូងឃ្មុំ ខេត្តត្បូងឃ្មុំ។
អធិការនគរបាលស្រុកឆ្លុង លោកវរសេនីយ៍ត្រី ឌួង សុទ្ធី បានឲ្យដឹងថា ស្ត្រីសង្ស័យត្រូវនគរបាលចាប់ឃាត់ខ្លួនបានភ្លាមៗ បន្ទាប់ពីស្ត្រីរូបនេះ បានយកលុយដុល្លារប្រភេទក្រដាស២០ដុល្លារ មកចាយវាយទិញរបស់របរក្នុងពិធីបុណ្យក្នុងវត្តព្រែកចម្លាក់ ឃុំកញ្ជរ ស្រុកឆ្លូង។ ជាមួយនឹងការចាប់ឃាត់ខ្លួន ប៉ូលិសបានរកឃើញលុយដុល្លារប្រភេទក្រដាស២០ដុល្លារ មានចំនួន១៦សន្លឹក ដែលស្ត្រីរូបនេះ បានដើរចាយទិញរបស់របរពីជនរងគ្រោះ ដើម្បីឲ្យជនរងគ្រោះអាប់ជាលុយរាយមកវិញ និងមួយចំនួនទៀត ដកហូតបានពីស្ត្រីរូប នេះដែលនៅសល់ពីចាយវាយ។
តាមចម្លើយសារភាពរបស់ស្ត្រីជនជាតិខ្មែរអ៊ីស្លាមរូបនេះ បានឲ្យសមត្ថកិច្ចដឹងថា លុយនេះ គឺរូបគេបានយកមកពីជនម្នាក់ទៀត ដើម្បីយកមកបន្លំចាយវាយ ដើម្បីឆបោក យកលុយពិតប្រាដក។
លោកអធិការនគរបាលស្រុកឆ្លូង បានបញ្ជាក់ថា បក្សពួករបស់ស្ត្រីរូបនេះ ដែលជាប់ពាក់ព័ន្ធនឹងការចរាចរណ៍រូបិយប័ណ្ណក្លែងក្លាយ នគរបាលកំពុងតែកំណត់មុខសញ្ញា ដើម្បីមានវិធានការ។ ចំណែកស្ត្រីរូបនេះ និងវត្ថុតាងកំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមច្បាប់៕
0 ความคิดเห็น:
แสดงความคิดเห็น