ចិនគ្រោងសាងសង់ផ្លូវរថភ្លើងលឿនជាងគេបំផុតឆ្ពោះទៅកាន់ទីក្រុងមូស្គូចំណាយពេលត្រឹម2ថ្ងៃ
គេហទំព័រ «សៀងហៃអីុស»ចេញផ្សាយកាលពីពេល ថ្មីៗនេះថា រដ្ឋាភិបាលទីក្រុងប៉េកាំងប្រទេសចិន ប្រកាសកាលពីថ្ងៃទី២២ មករា ឆ្នាំ២០១៥ លើបណ្តាញផ្សព្វផ្សាយក្នុងស្រុក វ៉េប៉ូថា ប្រទេសចិនគ្រោងសាងសង់ផ្លូវរថភ្លើងលឿនជាងគេបំផុតក្នុងលោកឆ្ពោះទៅកាន់ទីក្រុងមូស្គូ ប្រទេសរុស្ស៊ី ដោយត្រូវចំណាយប្រាក់ប្រមាណ១ពាន់ពាន់លានយាន់ស្មើនឹង២៤២ពាន់លានដុល្លារ ។
ផ្លូវរថភ្លើងដែលមានរយៈចម្ងាយ៧ពាន់គីឡូម៉ែត្រ នោះឆ្លងកាត់តំបន់កាហ្សាក់ស្ថាន និងជាផ្លូវរថភ្លើងវែងជាងផ្លូវរថភ្លើងធ្វើដំណើរពីទីក្រុងប៉េកាំងទៅកាន់ទីក្រុងហ្គ័ងហ៊្សូដល់ទៅ៣ដង ឯណោះ ។ គម្រោងសាងសង់ផ្លូវរថភ្លើងនោះនឹងរឹតចំណងទាក់ទងកាន់តែល្អរវាងទ្វីបអាស៊ី និងអឺរ៉ុប ។ ទន្ទឹមគ្នានេះដែរប្រទេសចិនទំនងជាបង្ហាញពីភាពជឿនលឿនផ្នែកបច្ចេកវិទ្យា និងសម្លឹងមើលឃើញពីទីផ្សារសេដ្ឋកិច្ចពិភពលោកនៅប្រទេសលោកខាងលិច ជាពិសេសគឺប្រទេសអ៊ុយក្រែន ។
កាលពីខែតុលា ឆ្នាំ២០១៤ កន្លងមកប្រទសមហាអំណាចខាងសេដ្ឋកិច្ចទាំងពីរចិន-រុស្ស៊ីបានចុះកិច្ចព្រមព្រៀងលើអនុស្សរណៈនៃការយោគយល់គ្នា (MOU)ជុំវិញការសាង់សង់ផ្លូវរថភ្លើងមានល្បឿនលឿនបំផុតក្នុងលោកនោះ។ ផ្លូវរថភ្លើងរបស់រុស្ស៊ីបង្កើតឡើងឱ្យមានល្បឿនលឿនសម្រាប់ការធ្វើដំណើទៅកាន់ទីក្រុងមូស្គូ ចំណែកប្រទេសចិនគឺជាច្រករបៀងពិសេសក្នុងការដឹកជញ្ជូនឆ្លងកាត់រវាងទ្វីបអឺរ៉ុប និងទ្វីបអាស៊ី ។ អនុប្រធានទទួលបន្ទុកផ្លូវរថភ្លើងរុស្ស៊ីលោកអាឡិចហ្សង់ឌ័រ មីហ្សារីន រំពឹងថា ការសាងសង់នោះនឹងរួចរាល់ក្នុងរយៈពេលពី៨ទៅ១០ឆ្នាំខាងមុខទៀត ហើយការធ្វើដំណើពីទីក្រុងម៉ូស្គូទៅកាន់ប្រទេសចិន ដោយចំណាយពេលត្រឹមតែ៣០ ម៉ោងប៉ុណ្ណោះ ។ ចំណែកការធ្វើដំណើរពីទីក្រុងមូស្គូទៅកាន់ទីក្រុងប៉េកាំងត្រូវចំណាយពេល៧ ម៉ោងកន្លះ ៕
ប្រភពពី ៖ ចន្ទ្រគ្រាស
0 ความคิดเห็น:
แสดงความคิดเห็น