ដីមានតម្លៃនៅផ្សារបានលុង បង្កទំនាស់ផលប្រយោជន៍ រវាងអាជ្ញាធរ និងឈ្មួញវិនិយោគ
ខេត្តរតនគិរី ៖ ព្រះរាជអាជ្ញារង អមសាលាដំបូង ខេត្តរតនគិរី បានដឹកនាំអាជ្ញាធរក្រុង និងកងកម្លាំងចម្រុះ ដាក់បទបញ្ជាមិនអោយ ក្រុមហ៊ុនវិនិយោគ ហេង ដារ៉ា ផ្សារបានលុង យកភាស៊ីពីការផ្ញើឡាននិងម៉ូតូ ខណៈមិនចុះសម្រុងគ្នា រវាងអាជ្ញាធរ និងភាគីក្រុមហ៊ុន វិនិយោគផ្សារបានលុង ឈានចូលដល់ការឃាត់ខ្លួន សន្តិសុខចំនួន ៣នាក់ និងលោក ជៀម សុផាត អ្នកគ្រប់គ្រងផ្សារបានលុង ម្នាក់ផងដែរ យកទៅធ្វើកិច្ចសន្យា នៅអធិការក្រុងបានលុង កាលពីវេលាម៉ោង ១០និង៣០ នាទី ព្រឹកថ្ងៃទី២៦ ខែមករា ឆ្នាំ២០៥។
ប្រជាពលរដ្ឋបានឃើញ សមត្ថកិច្ចចម្រុះមួយក្រុម ដឹកនាំដោយ ព្រះរាជអាជ្ញារង លោក ជា សុភ័ក្ត្រ អភិបាលក្រុង អធិការក្រុង មូលដ្ឋានកងរាជអាវុធហត្ថក្រុង និងកងកម្លាំងមួយចំនួនទៀត បានចុះមកផ្អាកសកម្មភាព ផ្ញើម៉ូតូឡាន ហាមមិនអោយ ក្រុមហ៊ុនផ្សារកិបសំបុត្រម៉ូតូ និងឡាន ដោយអាជ្ញាធរ បានដាក់កងកម្លាំង ឈរមើលខាងភាគីផ្សារ បើហ៊ានកិបសំបុត្រនោះ គេត្រូវចាប់ខ្លួន និងបង្ខំអោយ ក្រុមហ៊ុនផ្សារ ប្រគល់កន្លែងផ្ញើម៉ូតូឡាន នៅខាងមុខផ្សារ ទៅអោយអាជ្ញាធរក្រុង ជាអ្នកគ្រប់គ្រងវិញ។
ហេតុការណ៍នេះ បានធ្វើអោយភាគី ខាងក្រុមហ៊ុនផ្សារ ខឹងសម្បានិងអាជ្ញាធរ ហើយក៏ដកខ្លួនថយ មកស្នាក់ការសន្តិសុខវិញ ដោយមិនទទួលខុសត្រូវ ចំពោះការបាត់បង់ ចំពោះម៉ូតូដែលកំពុងតែផ្ញើនោះឡើយ ព្រោះអាជ្ញាធរក្រុង មកបង្កភាពរញ៉េរញ៉ៃ នៅចំណុចខាងលើនេះ។ លោក ហេង ដារ៉ា នាយកប្រតិបត្តិ ផ្សារបានលុង សុំពន្យារពេលមួយរយៈសិន រងចាំក្រសួងចុះមកពិនិត្យ និងរៀបចំកន្លែងនោះ នៅថ្ងៃទី០៣ ខែកុម្ភៈ ឆ្នាំ២០១៥ ខាងមុខនេះ។
ប៉ុន្តែអាជ្ញាធរ នៅតែស្តាប់មិនបាន ក៏ចុះមកថ្ងៃនេះ ធ្វើអោយអ្នកដំណើរជាតិ និងអន្តរជាតិ និងអាជីវករផ្សារបានលុង មានការភ្ញាក់ផ្អើល ចោមរោមមើលយ៉ាងកកកុញ នៅចំណុចមុខផ្សារ ហើយអ្នកឈរមើលទាំងនោះ បានឆ្ងល់និងសួរតៗគ្នាថា មានរឿងអ្វីបានជា កម្លាំងចម្រុះមកច្រើនម្ល៉េះ ដោយអ្នកខ្លះឆ្ងល់ថា ក្រែងមានករណីឃាតកម្ម នៅកន្លែងនោះ។ លោហេង ដារ៉ា បានបន្តទៀតថា ក្រុមហ៊ុនធ្វើនេះ មានច្បាប់ត្រឹមត្រូវ មិនធ្វើដោយបាតដៃទទេនោះទេ។
លោក អ៊ុក សំអុល អភិបាលក្រុងបានលុង បានលើកឡើងថា ដីនៅខាងមុខ ផ្សារបានលុងដែលមានទំហំ ៥៤x១១០ ម៉ែត្រនេះ និងដីដែលជុំវិញ ផ្សារបានលុង គឺត្រូវឲ្យអាជ្ញាធរក្រុង ជាអ្នកគ្រប់គ្រងជំនួសវិញ។ គួររំលឹកផងដែរថា សម្តេចតេជោ ហ៊ុន សែន នៅថ្ងៃទី២១ ខែតុលា ឆ្នាំ២០១០ បានយល់ព្រមតាមសំណើ របស់ឯកឧត្តមឧបនាយករដ្ឋមន្ត្រី ជារដ្ឋមន្ត្រីក្រសួងមហាផ្ទៃ តាមលិខិតលេខ ១២១៦ ស.ជ.ណ ចុះថ្ងៃទី២៥ ខែតុលា ឆ្នាំ២០១០ របស់ទីស្តីការគណៈរដ្ឋមន្ត្រី សុំរក្សាដីទទឹង ៩,៥០ម៉ែត្រ និងបណ្តោយ ៩០ម៉ែត្រ ជាកន្លែងផ្ញើរកង់ម៉ូតូ ដែលមាននៅក្នុងប្លង់ស្រាប់ ជៀសវាងការកកស្ទះតាមផ្លូវ ច្រកចូលផ្សារ និងគ្រោះអគ្គិភ័យដោយយថាហេតុ ណាមួយ។
សូមរំលឹកថា ដីដែលមានលក្ខណៈ ចម្រូងចម្រាស់នេះ មានតម្លៃខ្ពស់ណាស់ ពីមុនមានលោកលី ហុងស៊ីន ប្រធានក្រុមហ៊ុន តាយសេង ធ្លាប់វិនិយោគ ជាមួយអាជ្ញាធរខេត្ត ដើម្បីអង្កន់ដីនោះ លក់ធ្វើជាផ្ទះល្វែង ប៉ុន្តែដោយសារតែ ការតវ៉ារបស់ឧកញ៉ា តាយ សេង មិនបានសម្រេចក៏បានឃុបឃិត ជាមួយអាជ្ញាធរ ហើយអោយអាជ្ញាធរ ចាត់ចែងជំនួសវិញ៕ ដោយ បានលុង
ប្រភពពី៖ វត្តភ្នំ
0 ความคิดเห็น:
แสดงความคิดเห็น