ក្បួនរថយន្តទេសចរណ៍ថៃចូលមកកម្ពុជាតាមច្រកទ្វារអន្តរជាតិប៉ោយប៉ែត២៣គ្រឿង
ខេត្តបន្ទាយមានជ័យ ៖ ក្បួនរថយន្តទេសចរណ៍ខារ៉ាវ៉ាន់ថៃចំនួន២៣គ្រឿងបានចូលមកកម្ពុជាតាមច្រកទ្វារអន្តរជាតិប៉ោយប៉ែត នៅព្រឹកថ្ងៃទី២៩ មករា ២០១៥នេះ ដើម្បីទស្សនាតាមបណ្ដាខេត្ត ពិសេសប្រាង្គប្រាសាទអង្គរវត្តខេត្តសៀមរាប។
តាមនគរបាលទេសចរណ៍នៅច្រកទ្វារអន្តរជាតិប៉ោយប៉ែតបានប្រាប់ថា ក្បួនទេសចរណ៍នេះជារបស់ក្រុមហ៊ុនថៃ(ខារ៉ាវ៉ាន់)មានរថយន្តចំនួន២៣គ្រឿង និងមនុស្ស៦៩នាក់។ នគរបាលទេសចរណ៍បន្តថា ក្បួនរថយន្ត និងអ្នកទេសចរនេះនឹងកម្សាន្តក្នុងប្រទេសកម្ពុជាចំនួន៣ថ្ងៃ។
គោលដៅដំបូងទៅក្រុងភ្នំពេញតាមផ្លូវជាតិលេខ៥ ហើយបន្តទៅខេត្តសៀមរាបតាមផ្លូវជាតិលេខ៦ និងចេញទៅប្រទេសថៃវិញតាមច្រកទ្វារអន្តរជាតិប៉ោយប៉ែតដដែលនេះ។ លោកអាន វណ្ណៈ ប្រធានស្នាក់ការត្រួតពិនិត្យច្រកទ្វារព្រំដែនច្រកទ្វារអន្តរជាតិប៉ោយប៉ែតប្រាប់កោះសន្តិភាពតាមទូរស័ព្ទថា ក្រៅពីក្បួនរថយន្តទេសចរណ៍ខាងលើក្នុងព្រឹកតែមួយនេះក៏មានរថរយន្តថៃ២០គ្រឿង និងជនជាតិថៃចំនួន៤០នាក់ផ្សេងទៀតបានចូលមកកម្ពុជាតាមច្រកទ្វារអន្តរជាតិមួយនេះដើម្បីទៅតាំងពិព័រណ៌ពាណិជ្ជកម្មនៅឯវេទិកាក្បែរសាលាខេត្តបន្ទាយមានជ័យផងដែរ។
ជុំវិញបញ្ហាខាងលើនេះលោកជង់ ឡឹម ប្រធានមន្ទីរទេសចរណ៍ និងជាអនុប្រធានក្រុមការងារច្រកទ្វារមិនអាចទាក់ទងសុំការបំភ្លឺបានទេដោយទូរស័ព្ទរបស់លោកជាប់រវល់រហូត៕
ប្រភពពី៖ ផ្កាយព្រឹក
0 ความคิดเห็น:
แสดงความคิดเห็น