គណបក្សឆ្វេងនិយមជ្រុល SYRIZA ឈ្នះក្នុងការបោះឆ្នោតសភាក្រិក
នាយករដ្ឋមន្ត្រីក្រិកលោកអាតូនីស សាម៉ារ៉ាស កាលពីយប់ថ្ងៃទី២៥ មករា បានទទួលស្គាល់ពីបរាជ័យនៃគណបក្សរបស់លោកក្នុងការបោះឆ្នោតសភា ដែលជ័យជម្នះបានទៅលើគណបក្សឆ្វេងនិយមរ៉ាឌីកាល់ SYRIZA ក្រោយការប្រកាសលទ្ធផលផ្លូវការដំបូងនៃការបោះឆ្នោតដ៏សំខាន់នោះមក ។
មេដឹកនាំអភិរក្សនិយមរួបនេះថ្លែងទៅកាន់សារព័ត៌មានថា ប្រជាជនក្រិកបានធ្វើការជ្រើសរើសហើយ ។ យើងគោរពរាល់ការជ្រើសរើសរបស់ម្ចាស់ឆ្នោត ។ លោកបានជួបតាមទូរស័ព្ទជាមួយលោក ALEXIS TSIPRAS ប្រមុខគណបក្ស SYRIZA ដើម្បីសម្តែងការអបអរសាទរជូនចំពោះលោកហើយ ។
គណបក្ស SYRIZA ដែលប្រឆាំងនឹងផែនការជួយសង្គ្រោះក្រិកជាអ្នកទទួលបានជោគជ័យជាប្រវត្តិសាស្ត្រ ដោយទទួលបានសំឡេងគាំទ្រជិត៣៥,៨% ទល់នឹង២៨,៣% សម្រាប់គណបក្សលទ្ធិប្រជាធិបតេយ្យថ្មី ND ។ នេះជាលទ្ធផលផ្លូវការដំបូងផ្តល់ដោយក្រសួងមហាផ្ទៃ ក្រោយការរាប់សន្លឹកឆ្នោតហើយជាង៥១% ៕
ប្រភពពី ៖ ចន្ទ្រគ្រាស
0 ความคิดเห็น:
แสดงความคิดเห็น