ប៉េអឹមស្រាវជ្រាវឃាត់ខ្លួន បក្ខពួកមេក្លោងគ្រឿងញៀនបាន ៣នាក់ទៀត នៅក្នុងផ្ទះជួល
រាជធានីភ្នំពេញ ៖ កងរាជអាវុធហត្ថ ខណ្ឌពោធិ៍សែនជ័យ បន្ទាប់ពីធ្វើការបង្ក្រាប មេក្លោងជួញដូរគ្រឿងញៀនដ៏ធំ បានរហូតជិតកន្លះគីឡូក្រាម និងកាំភ្លើងកែច្នៃមួយដើម រួមនិងដាវសាំម៉ូរ៉ៃ មួយដើមផងនោះ បានបន្តស្រាវជ្រាវ យ៉ាងយកចិត្តទុកដាក់ រហូតឈានទៅឃាត់ខ្លួន បក្ខពួកបានចំនួន ៣នាក់ បន្ថែមទៀត កាលពីល្ងាចថ្ងៃទី២៥ ខែមករា ឆ្នាំ២០១៥ នៅក្នុងភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ជនសង្ស័យដែលត្រូវឃាត់ខ្លួន បន្ថែមនោះទី១-ឈ្មោះ ហ៊ូ ម៉េងខេង ភេទប្រុស អាយុ ៣១ឆ្នាំ មុខរបរមិនពិតប្រាកដ ទី២-ឈ្មោះ ស៊ី ឡូហ្សា ភេទប្រុស អាយុ ២៣ឆ្នាំ មុខមិនពិតប្រាកដ និងទី៣-ឈ្មោះ ស៊ុម ប៊េរី ភេទប្រុស អាយុ ៣៤ឆ្នាំ មុខរបរមិនពិតប្រាកដ អ្នកទាំង៣ ស្នាក់នៅផ្ទះជួល ក្នុងភូមិកើតហេតុខាងលើ។
ប្រភពដដែលបានបន្តថា បន្ទាប់ពីឃាត់ខ្លួន មេក្លោងជួញដូរថ្នាំញៀនបាននោះ កម្លាំងកងរាជអាវុធហត្ថ បានធ្វើការស្រាវជ្រាវ យ៉ាងយកចិត្តទុក ដើម្បីស្វែងរកបក្ខពួក រហូតដល់ល្ងាចថ្ងៃទី២៥ ខែមករា ទើបដឹងថា បក្ខពួករបស់គេ កំពុងតែលាក់ខ្លួន នៅក្នុងទឹកដីខណ្ឌសែនសុខ ក៏ចុះ ទៅឃាត់ខ្លួនដល់ផ្ទះជួល ក្នុងភូមិសង្កាត់ កើតហេតុតែម្តង ក្នុងនោះសមត្ថកិច្ច បានធ្វើការឆែកឆេរ រកឃើញ ថ្នាំញៀនជិត កន្លះគីឡូក្រាម កាំភ្លើងខ្លីមួយដើម និងម៉ូតូមួយគ្រឿង ម៉ាកភីស៊ីអ៊ិច។
គួរបញ្ជាក់ដែរថា កាលពីល្ងាចថ្ងៃទី២៣ ខែមករា ឆ្នាំ២០១៥ កម្លាំងករាជអាវុធហត្ថ បានធ្វើការស្រាវជ្រាវ រហូតឈានទៅឃាត់ខ្លួន បុរសម្នាក់ឈ្មោះ មាស សុវណ្ណា ហៅចិន អាយុ ៤៩ឆ្នាំ រស់នៅក្នុងភូមិតាងួន សង្កាត់កាកាប ខណ្ឌពោធិ៍សេនជ័យ ក្នុងនោះកម្លាំងកងរាជអាវុធហត្ថ បានធ្វើដកហូតម្ស៉ៅ ក្រាមពណ៌ស ជិតកន្លះគីឡូក្រាម និងកាំភ្លើងកែច្នៃ ១ដើម ដាវសាំម៉ូរ៉ៃ ១ដើម រួមនិងសម្ភារៈ មួយចំនួនទៀតផងដែរ៕
ប្រភពពី៖ វត្តភ្នំ
0 ความคิดเห็น:
แสดงความคิดเห็น