អត្រាអត់ការងារធ្វើតាមទីក្រុងក្នុងប្រទេសចិនថយចុះ4,09%
រដ្ឋធានីប៉េកាំង ៖ ក្រសួងធនធានមនុស្សនិងសន្តិសុខសង្គមបានឱ្យដឹងកាលពីថ្ងៃសុក្រថា អត្រាអត់ការងារដែលបានចុះបញ្ជីនៅតាមតំបន់ទីក្រុងទូទាំងប្រទេសចិនមានចំនួន៤,០៩%ក្នុងឆ្នាំ២០១៤ ថយចុះបន្តិចពីបរិមាណ៤,១%ក្នុងឆ្នាំ២០១៣ ។
លោក លី ចុង (Li Zhong) អ្នកនាំពាក្យក្រសួងបានបង្ហើបនៅក្នុងសន្និសីទសារព័ត៌មានថា ក្នុងអំឡុងពេលពេញមួយឆ្នាំ២០១៤ កន្លងមកនេះ មានការងារថ្មីសរុបចំនួន១៣,២២លានមុខតំណែង ត្រូវបានបង្កើតឡើងនៅតាមតំបន់ទីក្រុងក៏ដូចជាទីប្រជុំជននានាទូទាំងប្រទេស ។
គួររំឭកដែរថា កាលពីខែមីនាឆ្នាំទៅ រដ្ឋាភិបាលក្រុងប៉េកាំងបានប្តេជ្ញាបង្កើតការងារឱ្យពលរដ្ឋរបស់ខ្លួនធ្វើបន្ថែមឱ្យបានជាង១០លាននាក់ និងរក្សាអត្រាអត់ការងារធ្វើដែលបានចុះបញ្ជីឱ្យស្ថិតក្នុងកម្រិតទាបជាង៤,៦%ក្នុងឆ្នាំ២០១៤ ៕
ប្រភពពី ៖ ចន្ទ្រគ្រាស
0 ความคิดเห็น:
แสดงความคิดเห็น