ឡានបើកបុកអ្នកជិះម៉ូតូ ដួលបាក់ជើងរបួសធ្ងន់ នៅមុខស្ថានីយ៍ប្រេងឥន្ទនៈ សូគីម៉ិច
រាជធានីភ្នំពេញ ៖ យុវជនម្នាក់បានរងរបួស បាក់ជើងខាងឆ្វេង ត្រូវបានរថយន្តសង្គ្រោះ ដឹកទៅមន្ទីរពេទ្យ ដោយសារតែកំពុងជិះម៉ូតូ ត្រូវរថយន្តមិនស្គាល់ម៉ាក មួយគ្រឿង បើកក្នុងល្បឿនលឿន ជ្រុលទៅបុកចំពីមុខពេញទំហឹង កាលពីវេលាម៉ោង ២២និង៣០ នាទីយប់ ថ្ងៃទី២៥ ខែមករា ឆ្នាំ២០១៥ នៅចំណុចស្ថានីយ៍ ប្រេងឥន្ទនៈសូគីម៉ិច តាមបណ្តោយផ្លូវ សហព័ន្ធរុស្ស៊ី ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ ហើយរថយន្តបង្ក បានបើកគេចបាត់ស្រមោលតែម្តង។
សាក្សីបានឲ្យដឹងថា មុនពេលកើតហេតុ គេបានឃើញយុវជនម្នាក់ ជិះម៉ូតូស្មាស់ ពណ៌ខ្មៅ ពាក់ស្លាកលេខ ភ្នំពេញ 1CU-5994 ធ្វើដំណើរតាមបណ្តោយ ផ្លូវសហព័ន្ធរុស្ស៊ី ក្នុងទិសដៅពីលិចទៅកើត ខណៈមកដល់ចំណុចកើតហេតុ ស្រាប់តែមានរថយន្ត មិនស្គាល់ម៉ាកមួយគ្រឿង ធ្វើដំណើរបញ្ច្រាស់ទិសគ្នា បើកក្នុងល្បឿនលឿន បានជ្រុលបុកម៉ូតូ ចំពីមុខពេញទំហឹង បណ្តាលឲ្យដួលទៅនិងថ្នល់ រងរបួសបាក់ជើងខាងឆ្វេង ហើយរថយន្តបង្ក បានបើកគេចខ្លួនបាត់ស្រមោលតែម្តង៕
ប្រភពពី៖ វត្តភ្នំ
0 ความคิดเห็น:
แสดงความคิดเห็น