អាជ្ញាធរភ្នំពេញអំពាវនាវឲ្យផ្អាកការធ្វើដំណើរបណ្តុះអាសន្នលើកំណាត់ផ្លូវភ្នំពេញ-ហាណូយត្រង់ចំណុចកែងនិងផ្លូវលេខ១៩៨៦
រាជធានីភ្នំពេញ ៖ អាជ្ញាធររាជធានីភ្នំពេញបានធ្វើការអំពាវនាវដល់ប្រជាពលរដ្ឋក៏ដូចអ្នកធ្វើដំណើរទាំងអស់សុំឲ្យផ្អាកការធ្វើដំណើរជាបណ្តុះអាសន្នសិនលើកំណាត់ផ្លូវភ្នំពេញ -ហាណូយ ត្រង់ចំណុចកែងនឹងផ្លូវលេខ១៩៨៦ (ផ្លូវពេទ្យសែន សុខ) ដោយចំណុចនេះកំពុងចាក់បេតុងស្ថាបនាផ្លូវដែលត្រូវរង់ចាំបេតុងស្ងួតសិន កំណាត់ផ្លូវនេះនឹងអនុញ្ញាតឲ្យដំណើរការឡើងវិញចាប់ពីថ្ងៃ២១ កុម្ភៈ ២០១៥ តទៅ ។
មន្ត្រីសាលារាជធានីភ្នំពេញបានឲ្យដឹងថា «សាលារាជធានីភ្នំពេញសូមជំរាបជូនដំណឹងដល់សាធារណជនឲ្យបានជ្រាបថា ការដ្ឋានស្ថាបនាផ្លូវហាណូយដំណាក់កាលទី១ ប្រវែង១.០៩០ម៉ែត្រ ទទឹង២២ម៉ែត្រ ចាប់ពីមហាវិថីសហព័ន្ធរុស្ស៊ីត្រូវបានបព្ចាប់ការងារហើយ ។ ក្នុងដំណើរការចាក់បេតុងចុងក្រោយនៅចំណុចប្រសព្វផ្លូវហាណូយ និងផ្លូវលេខ១៩៨៦ នាថ្ងៃទី២៤ មករា ២០១៥ នេះ សាលារាជធានីភ្នំពេញ សុំឲ្យផ្អាកជាបណ្តោះអាសន្នការធ្វើចរាចរយានយន្តគ្រប់ប្រភេទ និងបិទចរាចរណ៍ទាំងស្រុងដោយមិនអនុញ្ញាតឲ្យឆ្លងកាត់ចំណុចប្រសព្វនេះឡើយ រហូតដល់ភាពរឹងនៃបេតុងតាមលក្ខណៈបច្ចេកទេសត្រូវបានធានានូវគុណភាពប្រើប្រាស់បាន ប៉ុន្តែអនុញ្ញាតឲ្យយានយន្តធ្វើចរាចរស្របតាមដងផ្លូវហាណូយ១ខ្សែទៅ និង១ខ្សែមកបានត្រង់ចំណុចប្រសព្វនេះ ។
ប្រភពពី ៖ ចន្ទ្រគ្រាស
0 ความคิดเห็น:
แสดงความคิดเห็น