ការលក់រថយន្តយីហោKia របស់កូរ៉េខាងត្បូងលើពិភពលោកមានសន្ទុះខ្លាំង
ថ្មីៗនេះក្រុមហ៊ុនផលិតរថយន្តរបស់កូរ៉េខាងត្បូងKia Motors Corporation បានប្រកាសក្ដែងៗថា ការលក់រថយន្តទេសចរណ៍ និងពាណិជ្ជកម្មរបស់ខ្លួននៅទូទាំងពិភពលោកពេញមួយឆ្នាំ២០១៤សម្រេចបាន២.០៩៧.៧៥៧គ្រឿង កើនឡើង៥,៩% ធៀបនឹងឆ្នាំ២០១៣ ។
នៅគ្រានោះដែរ ការលក់រថយន្តរបស់យីហោKia ពីមួយឆ្នាំទៅមួយឆ្នាំបានកើនឡើងលើទីផ្សារប្រទេសចិន អាមេរិកខាងជើង អាស៊ី ក៏ដូចជាអាស៊ីប៉ាស៊ីហ្វិកនិងកូរ៉េក្នុងនោះនៅចិនសម្រេចបានកំណើនលក់ខ្លាំងក្លាជាងគេបំផុតក្នុងអត្រា១៧,៥%។ ចំណែកនៅទីផ្សារអឺរ៉ុបក្រុមហ៊ុនបានទទួលមេរៀននៃការលក់ធ្លាក់ចុះបន្តិចប្រមាណជា០,១%ពីមួយឆ្នាំទៅមួយឆ្នាំ។ បើគិតត្រឹមខែធ្នូ ការលក់រថយន្តរបស់Kia លើសកលោកបានកើនឡើង២០,៧%នៅតាមទីផ្សារធំៗ ។
ចំពោះម៉ូដែលលក់ដាច់ជាងគេបំផុតរបស់ខ្លួនលើទីផ្សារក្រៅស្រុកក្នុងអំឡុងឆ្នាំ២០១៤ គឺម៉ូដែលRio ដែលទីផ្សារចិនគេស្គាល់វាថាជាម៉ូដែលK2លក់បាន៤៩១.៦១៣គ្រឿង ។ អ្នកបន្ទាប់គឺម៉ូដែលCerato លើទីផ្សារមួយចំនួនឈ្មោះForte ឬK3 លក់បាន៤៣២.៤២០គ្រឿង ខណៈSportage ប្រភេទCUV លក់បាន៤១៦.៨៥៦គ្រឿងOptima ប្រភេទស៊ីដានលក់បាន៣០០.៦៨៥គ្រឿង និងSoul លក់បាន១៩៤.៥៧២គ្រឿង ៕
ប្រភពពី ៖ ចន្ទ្រគ្រាស
0 ความคิดเห็น:
แสดงความคิดเห็น