វ៉ាង ស្រីណូ ឆេះដុំឮគេថាដូរស្នេហាដូចខោអាវ
ភ្នំពេញ: ទើបតែធ្វើឲ្យមហាជនងឿងឆ្ងល់ជាមួយវត្តមានបុរសប្លែកមុខជូននំខួបកំណើតកាលពីថ្ងៃ៧ ខែមករា ដែលខ្លះថានោះជាគូដណ្តឹងនាងនៅអាមេរិក នោះ វ៉ាង ស្រីណូ បានរងនូវព័ត៌មានឆេះដុំដោយសារតែការបង្ហោះរូបថតមួយសន្លឹកអង្គុយលើសាឡុង ដៃលើកទូរស័ព្ទថតខ្លួនឯង ជាមួយសម្លៀកបំពាក់ពណ៌ផ្កាឈូកខើចលើខើចក្រោម។
អតីតតារាសម្តែងជាប់ងារកំពូលតារាសិចស៊ីនាង វ៉ាង ស្រីណូ រងនូវការរិះគន់ដោយពាក្យសម្ដីអសុរោះធ្ងន់ៗ ដោយខ្លះថានាងជាតារាខ្មែរបំផ្លាញប្រពៃណីវប្បធម៌ និងខ្លះថា នាងជាតារាសិចស៊ីដូរស្នេហាដូចសម្លៀកបំពាក់ ដែលធ្វើឲ្យនាងក្ដៅចិត្តឆេះដុំមួយរយអង្សា ចេញវាចាពន្លះអ្នករិះគន់នាងវិញកប់ៗមាត់តែម្ដង។
ក្រុមអ្នកតាំងខ្លួនថា ជាអ្នកអភិរក្សនិយម បានសរសេរបញ្ចើចបញ្ចើ លើរូបថតមួយសន្លឹករបស់តារាសិចស៊ី វ៉ាង ស្រីណូ ថា៖ «រូបយើងសម្រស់យើង សាច់យើង សិទ្ធិយើង យើងនៅក្មេង នៅមានសម្រស់ តែយើងកុំធ្វើអ្វីឲ្យហួសហេតុ ឲ្យប៉ះពាល់ដល់កិត្តិយសស្រ្តីគេដទៃ និងជាតិវប្បធម៌ប្រពៃណី ទំនៀមទម្លាប់ ដ៏សែនល្អរបស់ខ្មែរ។ ចរិតស្ត្រីខ្មែរពិត មិនមែនដូចនេះទេ។ នេះបើចរិតរបស់…ទើបសម»។
រូបស្លៀកឈុតសិចស៊ីរបស់ វ៉ាង ស្រីណូ។ រូបថត ហ្វេសប៊ុក
បន្ទរសម្ដីរិះគន់ខាងលើ អ្នកប្រើហ្វេសប៊ុកមួយរូបបានសរសេររិះគន់នាងថា៖ «សិល្បៈក្នុងការថតរូបគេហៅថា សិល្ប: sex មែន? ព្រោះតែភាពភ្លើតភ្លើន របស់យុវវ័យហ៊ានថតរូបដល់ថ្នាក់នេះ បានជាស្រុកខ្មែរឥឡូវមានការចាប់រំលោភជាបន្តបន្ទាប់បែបនេះ»។ ក្រុមអ្នករិះគន់បន្តទៀតថា៖ «បើចរិតមនុស្សស្រីធ្វើបែបនេះគឺគ្រាន់តែជាស្ត្រីចូលចិត្តល្បែងស្នេហា ផ្លាស់ប្តូរដូចសម្លៀកបំពាក់។ ប្រឹងឡើងប្អូនស្រី គុណតម្លៃស្ត្រីនៅត្រង់នឹងណា? នេះពិតជាកូនល្អរបស់ឪពុកម្តាយមែន»។
ការបញ្ចេញមតិបែបមិនឲ្យតម្លៃរូបថតស្លៀកខើចលើខើចក្រោមរបស់នាងបានបញ្ឆេះកំហឹង វ៉ាង ស្រីណូ ឲ្យប្រតិកម្មយ៉ាងខ្លាំង ហើយនាងបានសរសេរតបលើទំព័រហ្វេសប៊ុករបស់នាងវិញថា៖ «និយាយភាសាឲ្យល្អស្តាប់តិចទៅប្អូន។ បងគិតថា ប្អូនក៏ចេះគិតដែរគួរតែរៀបពាក្យឲ្យសមរម្យតិចទៅ»។
អតីតតារាសម្តែងជាប់ងារតារាសិចស៊ី ដែលកាន់តែហ៊ុមព័ទ្ធរឿងអាស្រូវជីវិត ក្រោយរយាលពីពិភពសិល្បៈរូបនេះ លើកឡើងថា៖ «មនុស្សយើងអ្នកណាក៏ចូលចិត្តគេសរសើរជាងបង្អាប់ដែរ សូម្បីអ្នកក៏ចូលចិត្ដអ៊ីចឹងដែរមែនទេ? ហើយបើគេមកបង្អាប់អ្នកណាក៏ខឹងដែរ!»។
កញ្ញា វ៉ាង ស្រីណូ ក៏ទទួលស្គាល់ថា៖ «សំពត់ដែលខ្ញុំស្លៀកនេះវារាងខ្លីខ្លាំងបន្តិចមែន ប៉ុន្តែនោះនៅមិនហួសហេតុពេក ដែលដល់ថ្នាក់រិះគន់បន្ទាបបន្ថោកនោះទេ។ វាក៏មិនបានលេចកេរ្តិ៍ខ្មាសអ្វីមកដែរ ហើយសម័យនេះអ្នកណាក៏គេស្លៀកខ្លីដែរមិនមែនមានតែខ្ញុំទេ»។
តារាស្រីដែលរងនូវពាក្យចចាមអារ៉ាមស្នេហា និងជំងឺពីការវះកាត់ដើមទ្រូងឥតឈប់ឈររូបនេះបាននិយាយទៀតថា៖ «បើថារូបថតនេះធ្វើឲ្យខូចវប្បធម៌ប្រពៃណីខ្មែរនោះ ឲ្យខ្ញុំសុំទោសដោយស្មោះអស់ពីចិត្តផងចុះ ព្រោះការដែលខ្ញុំថត និងបង្ហោះរូបនេះគឺជាលក្ខណៈផ្ទាល់ខ្លួនទេ មិនមែនថតជាលក្ខណៈលើឆាកអន្តរជាតិដែលអាចធ្វើឲ្យខូចវប្បធម៌ប្រពៃណីខ្មែរនោះទេ! ហើយបើការស្លៀកពាក់វិញខ្ញុំគ្រាន់តែស្លៀកទៅតាមសម័យកាលគេប៉ុណ្ណោះ! ឬក៏ខ្ញុំគ្មាន
0 ความคิดเห็น:
แสดงความคิดเห็น