រយៈ9ខែចុងឆ្នាំ2014ការនាំចូលរថយន្តរបស់អីុរ៉ង់កើនទ្បើង61%ក្នុងឆ្នាំ2014
ក្នុងអំទ្បុងពេល៩ខែដំបូងនៃប្រតិទិនឆ្នាំថ្មី (២១ មីនា ដល់២១ ធ្នូ ឆ្នាំ២០១៤) អីុរ៉ង់នាំចូលរថយន្តបំពេញតម្រូវការក្នុងស្រុករបស់ខ្លួនចំនួន៧១.៨៩៦គ្រឿង កើនទ្បើង៦១% ពីបរិមាណនាំចូល៤៥.០០០គ្រឿង ក្នុងរយៈពេលដូចគ្នាកាលពីឆ្នាំមុន ។
តាមរបាយការណ៍របស់ទីភ្នាក់ងារព័ត៌មាន ISNA ផ្សាយថា ក្នុងអំទ្បុងពេលនោះ ទំហំទឹកប្រាក់នៃការនាំចូលរថយន្តរបស់ប្រទេសអីុរ៉ង់មានចំនួនជាង១,៤៦ពាន់លានដុល្លារ ធៀបនឹងឆ្នាំមុនត្រឹមតែ៩២៨លានដុល្លារប៉ុណ្ណោះ ។ នៅគ្រានោះដែរ រថយន្តដែលនាំចូលអីុរ៉ង់ក្នុងតម្លៃថ្លៃជាងគេបំផុត (ខែវិច្ឆិកា-ធ្នូ) គឺ BMW ៥២៨ តម្លៃ៦៩.៥៦១ដុល្លារ និង BMW X4 តម្លៃ៦៩.៤៥៦ដុល្លារ ។ គួររំឭកថា កាលពីខែកុម្ភៈដើមឆ្នាំ២០១៤ ប្រទេសអីុរ៉ង់កំពុងរៀបចំគម្រោងលែងយកពន្ធនាំចូលរថយន្តទាំងអស់ក្នុងរយៈពេល២ឆ្នាំក្រោយ ។ សមាជិកនៃគណៈកម្មាធិការរ៉ែ និងឧស្សាហកម្ម បានថ្លែងថា វិធានការនេះគឺជាការចាំបាច់ក្នុងការជំរុញផលិតកម្មក្នុងស្រុក ហើយថែមទាំងជាការបង្កើនការប្រកួតប្រជែងក្នុងឧស្សាហកម្មរថយន្តទៀតផង ។
ទោះជាយ៉ាងណា ឧស្សាហកម្មរថយន្តគឺជាវិស័យធំជាងគេបំផុតក្រៅពីប្រេង ដែលជាចន្ទល់សេដ្ឋកិច្ចរបស់អ៊ីរ៉ង់ និងជាគ្រឿងផ្សំក្នុងរង្វង់១០%នៃ GDP ៕
បញ្ចូលអត្ថបទ ៖ ចន្ទ្រគ្រាស
0 ความคิดเห็น:
แสดงความคิดเห็น