លិចទូក នៅកុងហ្គោ អ្នកដំណើរ ១០០នាក់ កំពុងបាត់ខ្លួន

យ៉ាអូនឌី៖ អាជ្ញាធរប៉ូលីសក្នុងតំបន់ បាននិយាយនៅ ថ្ងៃព្រហស្បតិ៍ ទី១៥ថា ទូកដឹកអ្នកដំណើរ មួយគ្រឿង ដែលធ្វើដំណើរ ពីសាធារណរដ្ឋ កុងហ្គោ បានលិចនៅក្នុងខេត្ត គួងហ្គោ ស្ថិតនៅភាគខាងត្បូងនៃប្រទេសនេះ បណ្តាលឲ្យអ្នកដំណើរ ប្រមាណ ១០០នាក់បាត់ខ្លួន។

ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃព្រហស្បតិ៍ ទី១៥ ខែមករា ឆ្នាំ២០១៥ថា ទូកមួយគ្រឿងនោះ បានលិចកាលពីថ្ងៃពុធ បន្ទាប់ពីមានអគ្គីភ័យឆាបឆេះ ភ្លាមៗនោះអ្នកដំណើរប្រហែល ១០០នាក់នោះ ក៏បាននាំគ្នាលោតចុះ ទៅក្នុងទឹក រហូតមកដល់ពេលនេះ គេមិនទាន់ទទួលបានព័ត៌មាន អំពីចំនួនអ្នកស្លាប់ ឬរបួសនៅឡើយនោះទេ៕