អភិបាល ខេត្តត្បូងឃ្មុំ អញ្ជើញចែក អត្តសញ្ញាណប័ណ្ណ និងសៀវភៅគ្រួសារ ជូនប្រជាពលរដ្ឋ នៅស្រុកមេមត់

ត្បូងឃ្មុំ ៖អភិបាលខេត្តត្បូងឃ្មុំ លោក ប្រាជ្ញ ច័ន្ទ នៅរសៀលថ្ងៃទី១២ ខែមករា ឆ្នាំ២០១៥ បានអញ្ជើញចូលរួម ចែកអត្តសញ្ញាណប័ណ្ណ និងសៀវភៅគ្រួសារ ជូនប្រជាពលរដ្ឋ ជាង២ពាន់ នាក់នៅ ឃុំត្រមូង ស្រុកមេមុត ខេត្តត្បូងឃ្មុំ ក្រោយពីត្រូវបានធ្វើរួចនោះ ។

នៅក្នុងពិធីប្រគល់ អត្តសញ្ញាណប័ណ្ណគំរូថ្មី និងសៀវភៅគ្រួសារ ជូនប្រជាពលរដ្ឋ ខាងលើនេះ ក៏មានការអញ្ជើញ ចូលរួមផងដែរ ពីសំណាក់ស្នងការ នគរបាល ខេត្តត្បូងឃ្មុំ លោកឧត្តមសេនីយ៍ ម៉ៅ ពៅ ថ្នាក់ ដឹកនាំខេត្ត មន្រ្តី រាជការជុំវិញខេត្ត និងមន្រ្តីពាក់ព័ន្ធ ជាច្រើននាក់ផងដែរ។

នៅក្នុងឱកាសនោះ លោកឧត្តមសេនីយ៍ស្នងការ បានបង្ហាញថា នៅពេលនេះ ប្រជាពលរដ្ឋចំនួន១៦៥០នាក់បាន មកទទួលយក អត្តសញ្ញាណប័ណ្ណ និងប្រជាពលរដ្ឋចំនួន ៥០៨នាក់ បានមកទទួលសៀវភៅ គ្រួសារស្នាក់នៅ ។

លោកឧត្តមសេនីយ៍ ម៉ៅ ពៅ លើកឡើងនូវ លទ្ធផលការងារ ចំពោះការធ្វើ អត្តសញ្ញាណប័ណ្ណ ជូនប្រជាពលរដ្ឋ នៅតាមភូមិ តាមរយះនគរបាល ទាំងថ្នាក់ស្នងការដ្ឋាន នគរបាលខេត្ត សហការជាមួយ នគរបាលតាម មូលដ្ឋាន ចុះរៀបចំធ្វើជាបន្តបន្ទាប់ និងបានជូន ដំណឹងជូន ប្រជាពលរដ្ឋ ទាំងឡាយណា ដែលមានអាយុគ្រប់ត្រូវ មកធ្វើអត្តសញ្ញាណប័ណ្ណ ឲ្យបានគ្រប់គ្នាៗ ផងដែរ។