កូវ៉ែត ៖សកម្មភាពមុខជំនួញផ្នែកអចលនទ្រព្យរបស់ប្រទេសកូវ៉ែតនៅតែមានលក្ខណៈ ល្អប្រសើរដដែលក្នុងខែវិច្ឆិកា ឆ្នាំ២០១៤ កន្លងមកនេះ បើប្រៀបធៀបនឹងខែមុនៗ ហើយក្នុងនោះការលក់សរុបសម្រេចបានទឹកប្រាក់១,៤០ពាន់លានដុល្លារ ។
នៅ ក្នុងអនុវិស័យអចលនាទ្រព្យបី មានវិស័យលំនៅឋាន និងអគារពាណិជ្ជកម្ម បានប្រតិបត្តិក្នុងសន្ទុះខ្លាំងក្លាជាងវិស័យវិនិយោគទៅទៀត ដែលបង្ហាញការធ្លាក់ចុះពីមួយឆ្នាំទៅមួយឆ្នាំនៅក្នុងទំហំ ទឹកប្រាក់នៃកិច្ចការជំនួញ ។ នាអំឡុងខែវិច្ឆិកា ឆ្នាំ២០១៤ ការលក់លំនៅឋានសរុបសម្រេចបាន៦០៥,៤០លានដុល្លារ កើនឡើង២៦,៥%ពីមួយឆ្នាំទៅមួយឆ្នាំ ។ ចំណែកទំហំនៃទុនក្នុងកិច្ចការជំនួញផ្នែកនេះក៏បានកើនឡើង៣០%ដែរ ពីមួយឆ្នាំទៅមួយឆ្នាំ ។ រីឯក្បាលដីក្នុងទីក្រុងលំហសមុទ្រ Sabah Al-Ahmed តំណាងឱ្យ៤៧%នៃកិច្ចការងារជំនួញសរុបទាំងអស់ក្នុងវិស័យលំនៅឋាន ។
ទំហំ នៃមុខជំនួញជាមធ្យមក្នុងខែវិច្ឆិកា មានទឹកប្រាក់១,០២លានដុល្លារ ថយចុះ៣,៣% ពីមួយឆ្នាំទៅមួយឆ្នាំ ដោយសារតែបរិមាណច្រើនជាងមុននៃខ្នងផ្ទះ ឬលំនៅឋាន ដែលធូរថ្លៃជាងមុននៅទីក្រុងលំហសមុទ្រខាងលើ ៕
បញ្ចូលអត្ថបទ ៖ ចន្ទ្រគ្រាស
0 ความคิดเห็น:
แสดงความคิดเห็น