ហ្វីលីពីន៖ គ្រួសារជាង២ពាន់ ត្រូវបានជម្លៀស ដោយសារខ្យល់ព្យុះ

ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃអាទិត្យដដែលនេះ ដោយផ្អែកតាម ក្រុមប្រឹក្សាគ្រប់គ្រង និង កាត់បន្ថយគ្រោះធម្មជាតិ ប្រទេសហ្វីលីពីន (NDRRMC) បានឲ្យដឹងថា កាលពីថ្ងៃសៅរ៍ ទី១៧ ខែមករា បុគ្គលិក ស្ម័គ្រចិត្ត វ័យ ២៧ឆ្នាំ ត្រូវបានស្លាប់ដោយសារតែ កម្លាំងខ្យល់បក់ដ៏ខ្លាំង ដែលបង្កដោយព្យុះកំបុតត្បូង បក់បោក ក្នុងក្រុង Tacloban កណ្តាលប្រទេសហ្វីលីពីន។

អគ្គិសនីនៅក្នុងខេត្តទាំងនោះ ត្រូវបានកាត់ចេញជាបណ្តោះអាសន្ន។

គួរបញ្ជាក់ផងដែរថា ខ្យល់ព្យុះកំបុតត្បូងនេះ មានកម្រិត៨៥គីឡូម៉ែតក្នុងមួយម៉ោង ហើយនឹងអាចឈានទៅដល់ ១០០គីឡូម៉ែតក្នុងមួយម៉ោងក៏ថាបាន។ ចំពោះអ្នកដែលមានផ្ទះសម្បែងនៅឯតំបន់ភ្នំ ក៏បានប្រកាសអាសន្នដែរ ជៀសវាងគ្រោះថ្នាក់ រអិល និង បាក់ដីផងដែរ៕