បណ្តាមីស៊ីលកូរ៉េខាងជើងអាចបាញ់ដល់ដែនដីគោកអាមេរិក
ប្រទេសកូរ៉េខាងត្បូងធ្វើការវាយតម្លៃជាផ្លូវការលើកដំបូងកាលពីថ្ងៃទី៦ មករា ថា បណ្តាមីស៊ីលបាញ់ឆ្ងាយរបស់កូរ៉េខាងជើងអាចបាញ់ដល់ដែនដីគោករបស់សហរដ្ឋអាមេរិក ។
ក្រសួងការពារជាតិកូរ៉េខាងត្បូងក្នុងសៀវភៅសមួយស្តីពីកិច្ចការពារយល់ឃើញថា កូរ៉េខាងជើងមានសមត្ថភាពគំរាមកំហែងដែនដីគោកសហរដ្ឋអាមេរិក ក្រោយការបាញ់សាកល្បង៥លើកនៃបណ្តាមីស៊ីលរយៈឆ្ងាយរបស់ប្រទេសនេះ ។ ការវាយតម្លៃនេះផ្អែកលើការបាញ់បង្ហោះ និងការបញ្ជូនប្រកបដោយជោគជ័យទៅកាន់តារាវិថីនូវផ្កាយរណបរបស់កូរ៉េខាងជើង កាលពីខែធ្នូ ឆ្នាំ២០១២ នៃកាំជ្រួច UHHA-3 ដែលអាចបាញ់បានចម្ងាយប្រមាណជា៨.០០០គីឡូម៉ែត្រ ។
យោងតាមសៀវភៅសនោះថា មីស៊ីលរយៈឆ្ងាយធុន TAEPODONG-2 របស់កូរ៉េខាងជើងអាចបាញ់បានចម្ងាយប្រមាណជា១០.០០០គីឡូម៉ែត្រ ។
សមត្ថភាពរបស់កូរ៉េខាងជើងដែលមានអាវុធនុយក្លេអ៊ែរឡើងដល់កម្រិតខ្ពស់មួយ ៨ឆ្នាំក្រោយការសាកល្បងនុយក្លេអ៊ែរកាលពីឆ្នាំ២០០៦ ២០០៩ និង២០១៣ ។
គួរកត់សម្គាល់ថា កងទ័ពកូរ៉េខាងត្បូងបានប្រើពាក្យអាវុធនុយក្លេអ៊ែរលើកដំបូងក្នុងសៀវភៅសរបស់ខ្លួន ៕
បញ្ចូលអត្ថបទ ៖ ចន្ទ្រគ្រាស
0 ความคิดเห็น:
แสดงความคิดเห็น