ជញ្ជីងថ្លឹងរថយន្ដចល័ត នៅតាមផ្លូវជាតិលេខ១ ក្នុងស្រុកព្រះស្ដេច របស់លោក អាត ធ្វើសកម្មភាពប្រមូលលុយ ដូចកុងត្រូលជជុះ
ខេត្តព្រៃវែង ៖ ប្រជាពលរដ្ឋក៏ដូចជា មន្ត្រីនៅខេត្តព្រៃវែង បានឲ្យដឹងថា ជញ្ជីងថ្លឹងរថយន្ដចល័ត
ដែលគេហៅថា កុងត្រូលជជុះ ស្ថិតនៅលើកំណាត់ ផ្លូវជាតិលេខ១ ក្នុងភូមិចេក ឃុំល្វា ស្រុកព្រះ
ស្ដេច ខេត្ដព្រៃវែង បានចាប់ផ្ដើមចេញមុខ ធ្វើសកម្មភាពដាក់ប៉ុស្តិ៍ជជុះ ដើម្បីប្រមូលលុយ និង
កោសរូស ក្រុមអ្នករកស៊ីដឹកទំនិញ និងឈ្មួញដឹកទំនិញលើសទម្ងន់ ចង់ខ្លាំងជាងមុនទៅទៀត
ខណៈដែលជញ្ជីងចល័ត ថ្លឹងរថយន្ដមួយនេះ បានផ្អាកសកម្មភាព ជិតកន្លះឆ្នាំ។
សេចក្ដីរាយការណ៍ បានឲ្យដឹងថា ជញ្ជីងចល័តថ្លឹងរថយន្ដនេះ ចាប់ផ្ដើមដំណើរការ នៅដើមខែ
មករា ឆ្នាំ២០១៥ ប៉ុន្ដែអ្វីដែលកត់សម្គាល់នោះ គឺមិនឃើញ មានស្លាកសញ្ញា និងអក្សរថ្លឹងរថយន្ដ
លើសទម្ងន់ ដូចមុននោះទេ ដោយគ្រាន់តែឃើញ ក្រុមមន្ដ្រី ៤ទៅ៥ នាក់ ខ្លះដោះអាវស្លៀកខោ
ជើងវែង ដេកក្នុងអង្រឹង និងឃើញមានរថយន្ដ ដឹកទំនិញ ដឹកស្រូវ ដឹកខ្សាច់លើសទម្ងន់ មកឈប់
ត្រៀមត្រា ចូលទៅបង់លុយ ឱ្យក្រុមមន្ដ្រីនោះ ដោយមើលទៅតាម ឡានដឹកទំនិញតូចធំ ហើយឲ្យ
បង់លុយ តាមតែមាត់ ទៅតាមហ្នឹងដែរ។
សេចក្ដីរាយការណ៍បានបន្ដថា ចំពោះមន្ដ្រីដែលប្រចាំការ នៅកន្លែងថ្លឹងរថយន្ដនោះ គឺមានមន្ដ្រី
សាធារណការ ខេត្ដព្រៃវែង សហការជាមួយ មន្ដ្រីមកពីក្រសួង និងសមត្ថកិច្ចពាក់ព័ន្ធ ពិសេសមាន
អ្នកគ្រប់គ្រងម្នាក់ឈ្មោះ អាត ជាអ្នកមើលការខុសត្រូវ និងជាអ្នកក្តោបចំណូល និងចំណាយផងដែរ
។ កត្ដានេះហើយ ទើបបង្កឱ្យផ្លូវមួយចំនួន ខូចខាតខ្ទេចខ្ទី ដោយសារក្រុមឈ្មួញដឹកទំនិញ លើស
ទម្ងន់ទាំងនោះ ហុចតែលុយទៅឲ្យ មន្ត្រីដែលប្រចាំការ នៅទីតាំងជញ្ជីងនោះ ហើយបន្តដំណើរ
បានដោយរលួន៕
0 ความคิดเห็น:
แสดงความคิดเห็น