ចាប់ស្ត្រីចំណាស់ញៀនល្បែងបៀតង៣នាក់ ចំអ្នកកើតជំងឺលើសឈាមម្នាក់រើឡើង សមត្ថកិច្ចឱ្យទៅផ្ទះវិញ
ខេត្តកំពង់ឆ្នាំង ៖ ស្ត្រីចំណាស់ញៀនល្បែង៣នាក់ ក្នុងចំណោមអ្នកលេងជាច្រើននាក់ ត្រូវកម្លាំងនគរបាលសង្កាត់កំពង់ឆ្នាំង ធ្វើការចាប់ខ្លួនកាលពីវេលាម៉ោង០២ និង៣០នាទីរសៀលថ្ងៃទី០៧ មករា ២០១៥ ស្ថិតនៅក្នុងផ្ទះមួយខ្នង ក្នុងភូមិកំពង់អុស សង្កាត់ផ្សារឆ្នាំង ក្រុងកំពង់ឆ្នាំង ។
ប្រភពបានឱ្យដឹងថា ម្ចាស់ផ្ទះដែលបើកដៃឱ្យគេលេងល្បែងបៀរជារៀងរាល់ថ្ងៃឈ្មោះផល ធូ អាយុ៦៥ឆ្នាំ រស់នៅភូមិ-ឃុំខាងលើ ចំណែកស្ត្រីម្នាក់ទៀតឈ្មោះសំ ធី អាយុ៤៧ឆ្នាំ ។ លោកបន្តថា ដោយមានសេចក្តីរាយការណ៍ថា នៅផ្ទះខាងលើមានលេងល្បែង
(បៀចិន) ជារៀងរាល់ថ្ងៃ លោកបានទទួលបញ្ជាពីលោកអធិការដឹកនាំកម្លាំងចុះទៅពិនិត្យមើល ហើយក៏ប្រទះឃើញមនុស្សស្រីៗជាច្រើននាក់ កំពុងលេងបៀតងមែន ពេលនោះគ្រាន់តែឃើញសមត្ថកិច្ចទៅដល់ ស្រីៗដែលមានកម្លាំងរត់ប្រសាចគេចខ្លួនអស់ នៅសល់តែស្រី្តចំណាស់ៗចំនួន៣នាក់ ក្នុងនោះម្នាក់ចាស់ពេក មិនបានយកមកកាន់អធិការដ្ឋាន ទេ គឺយកតែស្ត្រីតែ២នាក់ប៉ុណ្ណោះ យកមកកាន់អធិការដ្ឋាននគរបាលក្រុង រួមជាមួយវត្ថុតាង មានកម្រាលក្រាលលេងបៀតង ឈើមានដោតកៅស៊ូទ្រនាប់ជើង សម្រាប់កាវបៀតងជាច្រើនដើម ធុងទឹកកក និងបៀតងជាច្រើនសន្លឹក ។
នៅពេលយកមកដល់អធិការដ្ឋាននគរបាលក្រុង ស្ត្រីឈ្មោះផល ធូ ជាម្ចាស់ផ្ទះ ត្រូវជំងឺលើសឈាមបានរើឡើងវិញ ធ្វើឱ្យមានការភ្ញាក់ផ្អើលមន្ត្រីនគរបាល ក៏បានសុំយោបល់លោកព្រះរាអាជ្ញាអមសាលាដំបូងខេត្តឱ្យស្ត្រីខាងលើ និងស្ត្រីឈ្មោះសំ ធី ត្រឡប់ទៅផ្ទះវិញ តែបានធ្វើការអប់និងធ្វើកិច្ចសន្យាបញ្ឈប់សកម្មភាពលេងជាបន្តទៀត ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
បញ្ចូលអត្ថបទ ៖ ព្រះអាទិត្យ
0 ความคิดเห็น:
แสดงความคิดเห็น