ករុណា ពេជ្រ ឡើងវីឡាថ្មី ល្ងាចនេះ
ភ្នំពេញ: តារាចម្រៀងប្រចាំផលិតកម្មថោន ករុណា ពេជ្រ នឹងអញ្ជើញភ្ញៀវកិត្តិយស ចូលរួមឡើងគេហដ្ឋានថ្មី ដែលគេដឹងថា មានតម្លៃ ប្រហាក់ប្រហែលជា កន្លះលានដុល្លារ។ ម្ចាស់វីឡាថ្មី ដែលមានតម្លៃខ្ពស់នេះ នឹងជប់លៀងពិសាភោជនាហារ នាល្ងាចនេះហើយ នៅម្តុំវត្តសំរោងអណ្តែត ដែលមានចម្ងាយមិនឆ្ងាយប៉ុន្មាន ពីវីឡាចាស់ ដែលតារាចម្រៀងរូបនេះ បានរស់នៅ។
តាមការបញ្ជាក់របស់ តារាចម្រៀងរូបនេះ បានឲ្យស៊ីអ៊ីអិនដឹងថា ល្ងាចនេះ មានអ្នកសិល្បៈ ចូលរួមប្រហែលជា ១០០ នាក់ប៉ុណ្ណោះ ក្រៅពីនោះគឺជាសាច់ញាតិ និងអ្នកប្រកបមុខជំនួញ។
ពេលមានសំណួរទាក់ទងនឹងតម្លៃនៃវីឡាថ្មី ស្កឹមស្កៃនេះ តារាចម្រៀង ករុណា ពេជ្រ បាននិយាយថាៈ "តម្លៃវីឡានេះ ដូចគេដូចឯង អីចឹង ព្រោះយើងទិញពីក្រុមហ៊ុន គេសាងសង់លក់ ហើយខ្ញុំក៏មិនចង់និយាយដែរ ព្រោះថា ផ្ទះនេះ និងផ្ទះមុន សុទ្ធតែបង់រំលោះទាំងអស់ បើប្រាប់ពីតំលៃ មើលទៅដូចជាសម្បើមពេក វីវរ គេថាយើងមានលុយទិញវីឡា ម្តងពីរ បី តាមពិតជំពាក់គេសោះ ....សើច"៕
0 ความคิดเห็น:
แสดงความคิดเห็น